AYUB 34:28 - Susula Malalaok Hehelu Palak Ma Hehelu Beuk

²⁸ Sila tao la hataholi nuu-taak hata-taak-ka haladoi sila kikii-namatanen-na Manetualain namanene.

AYUB 34:28 ပူးပေါင်းရင်းမြစ်များ

AYUB 22:27

Metema, o hule-haladoi soona, neukose nataa o, ma o bisa tao matetu basa o hehelu-balataam lala'en-na.

AYUB 24:12

Hataholi fo hihii nae maten-na, hoo-nggu'un nananamanenek nai kota-la, hataholi mabisuk-kala, laloo bebou, loke puli-namo'dok, tehu Manetualain ta nau namanene huhule-haladoin-nala fa; Ana ta nau taoafik neu fas.

AYUB 33:26

Metema, ana hule-haladoi soona, neukose Manetualain sue-lain, boema neukose ana koa-kio Manetualain, no namahoko-seteleek, ma neukose, Manetualain tao nabebeu so'dan-na.

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

AYUB 35:9

Hataholi nanatuni-ndenik-ka, neukose nakadii-nakau; ala nggasi, loke tutulu-fafalik.

AYUB 5:15

Tehu, Manetualain soi-tefan-na: hataholi nuu-taa hata-taak-ka neme mamates-sa mai, ma hataholi taidaek-ka, neme tuni-ndenik-ka mai.

AYUB 8:6

metema, o dalem-ma ndoos, ma bu'u-ba'en ta soona, neukose Manetualain tulu-fali o no lai-laik; ma da'di leo babalan-na, de neukose o uma-loom, nanatao nabebeuk.

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 5:3

Taoafik neu au dokodoeng ma tulu-fali au, ou au Maneng ma au Manetualaing-nga.

KELUARAN 22:22

Boso tao su'di bebe'ik-ka neu faluina do anamaak.

KELUARAN 3:7

Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

KELUARAN 3:9

Au amanene leoina Israel-la kikii-makaleleun, ma boeo Au ita leoina Masir-ra, tuni-ndenis tao leo beek so.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

RATAPAN 3:56

Au dokodoe anseli, boso ko'oketu O di'idoom-ma soaneu au nonokeng-nga, fo ela O tulu-fali au. Boema O mamanene au huhule-haladoing, ma O mai deka; O mafa'da mae, ‘Boso bii.’

ULANGAN 15:9

Manea matalolole, fo boso nalosak emi dodoo nai emi dalem dale, mae leo ia: teuk fo kokaheni huta-bu'uk-kala, ana deka so, de emi ta nau fen tona doik fa. Boso makaboboi dudu'a-aafi mangalauk ndia, nai emi dalem dale. Metema, emi ta nau fe hataholi ndia, ana tona doik fa, boema naloo bou-bou neu Manetualain, fo ana kalaak emi, soona neukose emi hapu salak.

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.