AYUB 34:15 - Susula Malalaok Hehelu Palak Ma Hehelu Beuk

¹⁵ soona mate basa, mahahaek fo masamanek lala'en-na, ma hataholi daebafak-ka da'di dae, sama leo makasososan-na.

AYUB 34:15 ပူးပေါင်းရင်းမြစ်များ

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

KEJADIAN 7:21

Manetualain tao namopo-namate basa mahahae maso'dak lala'en, fo laso'da nai daebafak ia, fo nde: Hataholi daebafak-ka, manupui, ma bana manai ma'dak lain-na, nau ana do matua boe. Fo manamopo-mate tak, ka'da Noh ma basa hata fo sama-sama loon nai oak ndia dalek.

2 SEMUEL 14:14

Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

AYUB 10:9

Mafandendelek te, O makadada'dik au neme dae ulek-ka mai! Masa bole, O taom-ma au, da'di dae sopok seluk?

AYUB 30:23

Au bubuluk, O moo au leo mamates-sa neu, mamanak fo, basa hataholi maso'dak-kala, nanatao nakabubuak.

AYUB 34:16

Nah, metema o dodole maneu soona, taoafik leona, pasak o di'idoom-ma, fo mamanene leona.

MAZMUR 104:29

Metema O lepos masadea soona, ala bii; metema O ho'i falik ani hahaen-na soona, ala mopo-mate fo ala da'di falik dae, sama leo makasososan-na.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

YESAYA 27:4

Au ta amanasa so'on. Metema, hapu na'u do makatema dila-nggauk soona, neukose Au taoisan, ma Au hotuheni la'iesak-kasa.

YESAYA 57:16

Au ta fe salak neu Au anang-ngala, losa dodoon-na fa; Au ta amanasa akandondoo henin fa, fo ela ala manggate lakandoo, te se'kona, Au nde fes maso'dak-ka.