AYUB 33:27 - Susula Malalaok Hehelu Palak Ma Hehelu Beuk

²⁷ Soona neukose, nafa'da nai lea matan nae, ‘Hata mangalauk-ka, au afa'da ae malole, de au sala-singong, ba'un-na seli, tehu Manetualain ta huku au fa.’

AYUB 33:27 ပူးပေါင်းရင်းမြစ်များ

KEJADIAN 16:13

Hagar dodoo nai dalen dale nae, “Tete'ek-ka au ita Manetualain, fo manataoafik neu au-a so?” Boema noke Manetualain, fo manakokolak non nana, nae, “Manetualain, Fo Manataoafik.”

2 SEMUEL 12:13

Boema, Dauk nafa'da Natan nae, “Au asala-asingo basa neu Manetualain so.” Boema Natan nataa nae, “Manetualain fe do'o do ampon neu Ama Manek so; da'di neukose ta mate Ama Manek fa.

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

AYUB 34:32

O moke hain so do beik soaneu Ana natu'du o sala-singok? O soo-supak hai so do beik soaneu hahae tatao-nono'i leondiak-ka?

AYUB 34:9

Nafa'da nae, metema ana sanga enok, fo ana tao tunga Manetualain hihii-nanaun, soona manada'di tak.

AYUB 7:20

Hai, au Manamaneang-ngonei, ade O ta hapu nanalak, hu kande au sala-singong do? Tao le'e de, O pake au, da'di leo O kokouisim-ma mamana totolan-na? Ade au da'di lelepa mabela ba'eneu O do?

MAZMUR 103:10

Ana ta huku ita, nandaa no ita sala-singon fa, do Ana balas ita, nandaa no ita salan-na fa.

MAZMUR 11:4

Manetualain nai Uma malalao-malalafun dale, kandela manen-na, nai nusa so'dak-ka. Ana taoafik neu hataholi daebafak-ka ma Ana bubuluk basa tatao-nono'in lala'en-na.

MAZMUR 119:128

Hu ndia de, au aso'da, nandaa no basa O natutu'dum-mala; au ta ahiik ha'da-paliik fo, ta matetuk-ka fa.

MAZMUR 14:2

Manetualain mete hataholi daebafak-ka, neme nusa so'dak-ka mai, fo Ana sanga hataholi manatee-tenok fo, manasene-do'ok neun-na.

AMSAL 15:3

Manetualain nita basa hata manada'dik manai mamanak lala'en-na; Ana taoafik neu basa hata fo malole, ma hata fo mangalauk.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

AMSAL 5:21

Manetualain nita basa lala'en fo, hataholi daebafak-ka tao-no'in. Hataholi daebafak-ka neu su'di leo bee neu boe, Manetualain mete nahelek-kana.

PENGKHOTBAH 5:8

Nakalenak manek-ka boeo naso'da neme keketu-kokoluk buna-boan mai.

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 23:24

Ta hapu hataholi sa boen nafuni-na ao inan-na neme Au mata memeteng-nga fa, nana Au nae mamanak lala'en-na: nai nusa so'dak-ka ma nai daebafak-ka.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YESKIAL 14:23

Boema, neukose emi boeo, bubuluk mae Au tatao-nono'ing sila-la, nanuu ne'ek. Au, Manetualain Fo Mademaina, nde manakokolak-ka.”

BILANGAN 12:11

boema nafa'da Musa nae, “Ka'a e, fali ma ami dei, fo boso po'ilotak ami doi-doso, nanahu sala-singok, fo ami taon no ami nggoam-ma.

MATEOS 16:26

Ade hataholi esa hapu nanalak hata, metema ana hapu daebafa ka lala'ena, tehu namopo so'da samane na? Ade so'dak ndia hapu tukan ninik hata esa do?

LUKAS 18:13

Tehu manasusu bea ndia napadeik nai doo ka, ma nakalenak ta napalani nanganalo leo lalai neu fa. Ana lane lima na neu fana na ma nakatele langa na de nae, ‘Ou Manetualain, sue-lai au hataholi masala-masingok ia!’ ”

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

ROMA 7:16

Naa, metema au tao tatao-nono'ik fo ta nandaa no au dale hihii nga fa soona, dede'ak ndia sosoa na nae, au manaku ae agama Yahudi hoholo-lalanen sila la malole.

ROMA 7:22

Au dale nga nahiik Manetualain hoholo-lalanen,