AYUB 33:23 - Susula Malalaok Hehelu Palak Ma Hehelu Beuk

²³ Fafa'kama ata nusa so'dak esa, neme Manetualain ata nusa so'dan 1.000 mai, ana fe hataholi daebafak-ka nasanene'dak, la'eneu bela-ba'un, fo neukose, ana mai tulu-falin.

AYUB 33:23 ပူးပေါင်းရင်းမြစ်များ

KEJADIAN 40:8

Duas lataa lae, “Le'odae ka ami malame'i, de ta hapu esa boen bubuluk sosoa-ndandaan fa.” Yusuf nae, “Ka'da Manetualain nde hapu fe hataholi nafa'da mangalele'do mi'is ala sosoa-ndandaan. So'ba tui su'dik emi me'im ndia.”

NEHEMIA 9:33

O nakeketum-ma ndoos ma matetuk, O huku ami fo masala-masingok; O lilineka mahele, leomae ami henuk no bu'u-ba'ek.

AYUB 11:6

Fo sa'di leo been-na, nafa'da o, nae manatee-tenok ndia, enon ba'uk-ka, de hataholi daebafak-ka, ta nalelak-kana fa. Soona besak-ka o mame'da, mae o doidosom ndia, ta ba'u bee esa boen, metema, nakasasamak-kana no huhukuk fo, nandaa o sipon-nana.

AYUB 34:10

Hai hataholi manatee-tenok-kala lemin, mamanene leona! Te masa bole, Manetualain Fo Manakoasa ana tao salak?

AYUB 34:12

Manetualain Fo Manakoasa, ta tao tatao-nono'i mangalauk fa; Ana fe ndoos ma matetuk-ka, neu basa hataholi lala'en-na.

AYUB 34:32

O moke hain so do beik soaneu Ana natu'du o sala-singok? O soo-supak hai so do beik soaneu hahae tatao-nono'i leondiak-ka?

AYUB 35:14

Ayub, nakalenak bai, metema o mafa'da, mae o ta mita fan, ma o mae o dede'am-ma, nai matan-na so, de o mahani talu-talu mon!

AYUB 36:3

Au malelang-nga ba'uk-ka; de neukose, au pake malelak ndia, soaneu au fe buti, ae Manamakadada'dik au-a nde been-na, ndoos ma matetuk.

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

AYUB 9:3

Manetualain fe natatanek lifun esa, soona hataholi daebafak-ka, ta hapu nataa nala esa boen.

AYUB 9:33

Tehu, ta hapu manake-manafula nai ami tala'da fa, fo naketu ami dua fa.

MAZMUR 119:75

Ou Manetualain, au bubuluk, ae O nakeketum-ma, ndoos ma matetuk. O huku basa au so, nanahu O lilinekam.

MAZMUR 94:12

Ou Manetualain, maua-manalek ba'eneu hataholi fo O manolin, hataholi fo, O manolin O hoholo-lalanem-mala.

PENGKHOTBAH 7:28

Au boeo bei sanga natataak fe'ek-kala, tehu buna-boan ta. Nai hataholi lifun esa dalek, au hapu touk esa fo au fen ha'da-holomata. Tehu nai hataholi sila dalek, ta hapu inak fo au fen ha'da-holomata fa.

YESAYA 59:16

Ana dodoo doak-kana, nae ta hapu hataholi tutulumatak fa, ma ta hapu manamasala'e fa. Boema, Ana pake koasa mesan-na, soaneu soi-tefa, ma fes sesengik.

RATAPAN 3:32

Ana fe basa doidosok-ka soona, nanuu dale kasian boe, nanahu Ana sue-lai nahele ita nenik susue-lalain fo too-lanen ta ndia.

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

HAGAI 1:13

Boema, Hagai nanduku-nalosak Manetualain hala hehelun-na neu laun-nala, nae Manetualain naheluk basa, nae neukose nasulu-nahapas.

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

MALEAKHI 3:1

Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”

HATAHOLI 8:30

Boema Felipus neu deka no kaleta ndia de namanene hataholi ndia lees Nabi Yesaya Susula na. Boema Felipus natanen nae, “Ade Tuan malelak hata fo Tuan lees ndia do ta?”

ROMA 11:13

Tehu besak ia, malole lenak au kokolak o emi fo hataholi ta Yahudi la. Dodoo basa ia, au da'dileo Lamatua ka hataholi nadedenun soaneu leoina ta Yahudi la, au so'ulaik au bela-ba'ung ndia.

2 KORINTUS 5:20

Da'di ami ia nde bee na, Kristus hataholi nadedenun. Manetualain nanduku-nalosak hala hehelu na, tunga ami. No Kristus na'de na, ami dokodoe manseli neu emi, fo sipo ma Manetualain dale susue na, fo nini fe emi malole falik mon.

HAKIM-HAKIM 2:1

Manetualain ata nusa so'dan-na, neu leo Bokhim neu, de nafa'da hataholi Israel-la nae, “Au kalua basa emi neme Masir mai so, de Au o emi leo nusak fo Au helu basan neu emi bei-ba'i kaim-mala so. Au boeo afa'da ae, ‘Hehelu-balataak, fo manapa'a Au o emi-a, neukose Au ta tao ketu fan.