AYUB 32:6 - Susula Malalaok Hehelu Palak Ma Hehelu Beuk

⁶ de ana kokolak nae leo ia, “Au bei muli-soluk, te emi mamalasi so, hu ndia de, au bii, ma au daleng-nga naba'e, soaneu au afa'da au hahapung-nga.

AYUB 32:6 ပူးပေါင်းရင်းမြစ်များ

AYUB 12:12

Lafa'da lae, manatee-tenok-ka, nai hataholi lasik-kala, tehu, manatee-tenok-ka ma be'i-balakaik, ka'da nai Manetualain mesak-kana. Lafa'da lae, dudu'a-aafi manadaik-ka, ka'da nai hataholi lasik-ka, tehu, dudu'a-aafi manadaik-ka, ma manadodoo-tataik-ka, nai Manetualain boe!

AYUB 15:10

Ami sipo manatee-tenok ia, neme hataholi fo, langan-na mofa so; bongi hataholi sila te, beita bongi o amam fa!

AYUB 15:7

O maedaenga, hataholi daebafak fo nanabongi makasososak-ka, nde o do? Lelek letek-kala, nananakadada'dik-ka, o nai ndia do?

AYUB 32:2

Tehu hataholi esa nai ndia boe, na'de Elihu, fo Barakheel anan-na, fo Bus tititi-nonosin esa nde ndia, neme teidalek Ram-ma mai Ana ta bisa nakatatakak-na nasan-na fa, hu kande Ayub nafa'da nae, ndia ndoos, ma ana fe salak neu Manetualain.

AYUB 32:5

Lelek nita hataholi ka teluk sila-la, ta bisa lataa fa boema, namanasa,

AYUB 34:1

Ade emi ta hataholi malelak ma madudu'a-aafik fa do? Nah, mamanene au hala-kokolang ia-la lala'en-na

AYUB 35:1

Ayub, metema o maedaenga o salam ta nai Manetualain matan-na soona, o sala ndia.

AYUB 36:1

Mahani dodoo seluk faa, fo nenene leona, te bei hapu hata fo, au sanga afa'dan, hu kande Manetualain.

IMAMAT 19:32

Bii-mamata'u ma fe ha'da-holomata neu hataholi lasik-kala. Ela leo been-na, emi fe ha'da-holomata, ma bii-mamata'u neu Au, nana Au nde Manetualain-na.

ROMA 13:7

Da'di, bae hata fo emi muse baen leo manapaleta neu. Bae bea metema emi muse bae bea. So'ulaik sila fo muse nanaso'ulaik, ma fe ha'da-holomata neu sila fo muse nanafe ha'da-holomata.

1 TIMOTIUS 5:1

Boso kokolak balakaik moo toulasi kala, te kokolak koe-koe moos, sama na leo o kokolak moo o amam nde ndia. Tao muli-solu kala da'di o tolanom,

TITUS 2:6

Leondiak boe, manoli hataholi muli-solu kala, fo ala da'di hataholi manatee tenok.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”