AYUB 31:8 - Susula Malalaok Hehelu Palak Ma Hehelu Beuk

⁸ soona nemen-na, fo hataholi fe'ek, na'a hata fo, au sele-nggalik-ka buna-boan, ma nalutu la'iesak, au daeng-nga oe-isin lala'en-na.

AYUB 31:8 ပူးပေါင်းရင်းမြစ်များ

AYUB 15:30

Neukose, ta nala makiu-makahatuk-ka deak fa; neukose ha'i na'a heni buku beun-nala. Neukose, mopok-kana, hu kande Manetualain ani hahaen-na.

AYUB 18:19

Ta maanak, ma ta matititi-nonosik fa; ta ela hataholin esa boen, nai nggolo-ta'dun-na fa.

AYUB 20:18

Ana hapu bunak lala'en-na, muse ana fe falik-kasa; neukose, ta na'a nita ue-le'din buna-boan fa.

AYUB 24:6

No nakasetik neu foi-fala hataholi fe'ek tinan: hataholi mangalauk-ka angol boan-na, neukose ana o nakabubuas.

AYUB 31:12

Sala-singok ndia, ana tao namopo-namate, sama leo ha'i manai tasi ha'ik dale-a, ana hotu heni, basa au hata-hetong lala'en-na.

MAZMUR 109:13

Nemen-na fo, basa tititi-nonosin lala'ena, nanatao namopo-namatek, ma bobongi makabuik-kala, lafandele heni na'den-na.

IMAMAT 26:16

neukose, Au huku emi. Neukose, Au fe soe-a la'e emi, he'di-laus ma sumaik manalea-hai taak-ka, nalosa poke emi matam-ma, ma emi maso'da doi-doso. Neukose, emi foi-fala, tehu emi ta mi'a buna-boan fa, nana emi musum-mala mai, fo ala ho'i leni la'iesak, emi sele-nggalik-kala, buna-boan.

MIKHA 6:15

Emi sele-nggali gandum, tehu neukose emi ta ketu-kolu buna-boan fa. Neukose emi tao mina neme ai setun-na boan-na mai, tehu emi ta hapu pake minan-na fa. Neukose emi he'e angol-la oen-na, tehu neukose emi ta minu fan.

YOHANIS 4:37

Dede'a nakandandaak esa nde ia la'en boe. Nae leo ia, ‘Hataholi esa nde sele-nggali a, tehu hataholi fe'ek nde ketu-kolu nana.’

ULANGAN 28:38

Emi sele-nggali bini-ngges makadotok, tehu emi buna-boak ka'da faa anak, nanahu lamak-ka, na'aheni emi bubu'u-palusam.

ULANGAN 28:51

Neukose la'aheni emi bana-manum, ma emi dae-oem buna-boan, ma ala ho'ileni la'iesak emi gandum, angol, mina setun, do emi sapim ma emi bi'ihii bi'ilopom-mala, losa emi mate mo la'as-sa.

YOSUA 22:22

“Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!