AYUB 31:7 - Susula Malalaok Hehelu Palak Ma Hehelu Beuk

⁷ Metema, au singo heni eno ndoos-sa, do au daleng-nga, nahiik dede'a manggenggeok, metema, au limang-nga naggenggeo, hu kande sala-singok-ka,

AYUB 31:7 ပူးပေါင်းရင်းမြစ်များ

AYUB 16:17

Tehu, au ta tao naseti-nalakak fa; de au hule-haladoi, no dale ndoos neu Manetualain.

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

AYUB 23:11

Au tungan no lilinekak; au beita singo ita neme enok fo, naketuk-ka mai fa.

AYUB 27:5

Da'di, au ta nau afa'da, ae emi ndoos fa; losa mate boeo, au akatatakak ahele, ae au ta manggenggeok fa.

AYUB 27:6

Au ho'u ahele au ndoong-nga, ma au dale bobongoanang-nga boeo, malalaok tataas esa.

AYUB 9:30

Ta hapu sabu, fo bisa tao namopo au sala-singong fa!

MAZMUR 101:3

neukose au ta po'ilotak tatao-nono'i mangalauk-ka fa. Au ta hii hataholi manafali deak-ka, tatao-nono'in fa, ma au ta nau sanga langa he'dik o fas.

MAZMUR 7:4

Ou Manetualain fo au Manetualaing-nga, leouni'ka au ta tao tunga ndoos ma matetuk-ka, ma tao mangalauk soaneu au tia-laing, do akatutu'dak musu nok-ka, tehu ne'ek ta, metema au tao leondiak soona,

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

YESKIAL 14:3

“Hai hataholi daebafak fo, manasapu-manalalok-konei, hataholi ia-la, lase'o basa so'dan-nala neu sosongo-tatangok so, nalosa ala tu'da leo sala-singok dale leu. Masa bole ala nau latane Au dale hihiing-nga?

YESKIAL 14:7

Ba'eneu hataholi Israel do hataholi nusa dea fo, manaleo manai leoina Israel-la tala'da, fo dook-ka leme Au mai, ma lase'o aoinan-nala neu sosongo-tatangok, boema loke nanoli-nafa'dak neme nabi esa mai soona, nemen-na fo Au nde fe natataan-na.

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

BILANGAN 15:39

Fifikok sila-la da'di neu nasanene'dak: Nai lelek emi mitan, soona neukose emi mafandele Au paletang lala'en-na fo emi tao tungan. Ma hu kande fifikok sila-la, de neukose emi mafandendelek Au, fo emi ta tunga emi hihii-nanau mesam-ma fa.

MATEOS 5:29

Metema o mata kona ma nini salak fe o soona, e'do heni o matam ndia fo tapahenin! Malole lenak mopo o matam seli, neme ala tapa o leo tasi ha'ik dale no o matam duas no'u.