AYUB 31:34 - Susula Malalaok Hehelu Palak Ma Hehelu Beuk

³⁴ Au ta bii-amata'u neu lea hahapun-na fa, ma au ta afaduli hataholi-a, nakamumulu-nakamamaen-na fa. Beita la'i esa fo, au ahele eme uma, do au dedenge fa, ka'da hu kande, au bii neukose lakamumulu-lakamamaek au.

AYUB 31:34 ပူးပေါင်းရင်းမြစ်များ

2TAWARIKH 32:18

Asyur hataholi nadedenun sila-la basa-basas eki basa dede'ak sila-la nai dede'a Ibrani dalek fo lakabibiik ma tao lamale hataholi Yerusalem manai papala nanadamak kota lain-na, dalen-nala, fo ela ala hapu loso-la kota ndia no mudak.

NEHEMIA 13:28

Yoyada nde been-na Imam Matuaina Elyasib-pa anan, tehu Yoyada ana esa da'di manafeuk neme Sanbalat neme kota Bet-Horon-na mai. Hu ndia de, au usi heni Yoyada neme Yerusalem mai.

NEHEMIA 5:7

de au ho'i nakeketuk soaneu tao hata esa. Boema au fe lasi nggolok-kala ma laun-na mauli-malangan-nala. Au afa'da ae, “Emi tuni-ndeni seluk emi tolanoom-mala!” Basa boema, au tao nakabua matua soaneu kokolak dede'ak ndia,

ESTER 4:11

“Hataholi-la esa-esak, nau touk do inak boe, metema ala ta hapu hala nalolook fo leu lataa manek-ka nai uma manek-ka so'dan manai dalek-ka fa soona, muse hukunisan. Ndia nde been-na susulan-nakeketuk, fo basa hataholi-lala'en-na, mulai neme manek-ka hataholi manamanolin-mafa'dan-nala, losa laun manai propensi-la, muse bubuluk nakeketuk ndia. Hapu ka'da enok esa mesak-kana, fo nde metema manek-ka natu'du aitete'e lilopilan-na neu see soona, hataholi ndia nde naso'da. Tehu basa bulak esa ia so, te manek-ka ta naloo au fa.”

ESTER 4:14

Tao leo bee-o, neukose hataholi Yahudi-la tulu-falis nenik enok matak leo beek-ka boe, fo nalosa laso'da. Tehu metema, o ka'da denge-denge mahele nai manada'dik leo ia-ka dalek soona, neukose mate o boe, fo neukose, mopo o amam teidalen-na tutuin-na. See bubuluk, fafa'kama hu kande no enok ia, de o nanahele basak da'di ina manek so!”

AYUB 22:8

O pake o nangatuum-ma, ma o koasam-ma, fo o besilaa-ma, basa dae lala'en-na.

AYUB 34:19

Ana ta nok manek-kala, do Ana bibinga-baba'e hataholi kamasu'ik-ka, neme hataholi matasi'da-matasaek-ka mai. Nanahu, sila basa-basas nde been-na, Ndia lima tataan mesa-mesan.

KELUARAN 23:2

Boso tunga hataholi ba'u, metema ala tao salak do ala ta tunga hoholo-lalanek no matetun-na nenik ala fe sakasii pepekok.

KELUARAN 32:27

de nafa'das nae, “Israel Manetualain fo emi Manetualaim-ma paleta emi esa-esak fo fe'a na emi tafainam-ma, fo ana la'ok tunga mamana ofu ia, neme lelesuina ia leo lelesuina eli neu boema ana taonisa emi tolanom-mala, tia laim-mala ma uma titia-tataim-mala.”

AMSAL 29:25

Bii-mamata'u hataholi dede'a kokolan soona, neninin-na toto'a-tataak. Mamahele neu Manetualain soona, neukose o nee-nee lino-linok.

YEREMIA 38:16

Manek Zedekia ana helu au no nafufunik, nae, “Nenik Manetualain fo maso'dak-ka, Manetualain fo manafe so'dak neu ita, au supa-soo ae, au ta tao isa o, do au fe o neu hataholi fo mananau tao nisa o-a.”

YEREMIA 38:19

Boema manek-ka nataa nae, “Au bii neu hataholi-la fo ita leoina fo manamalaik de look hataholi Babel-lala. Boso nalosak neukose ala fe au lo sila neu fo lakatoto'a-lakatataak au.”

MIKHA 7:3

Basa-basas lalelak lanseli nai tatao-nono'i mangalauk-ka dalek. Manapaleta ma manakee-manafula loke doi sosolok, ma lasi nggolok-kala lakaseti laun-na tunga hihii-nanaun-nala, lalahalak sama-sama leondiak.

2 KORINTUS 5:16

Hu ndia de, ami ta uku-dou hataholi ninik hataholi daebafa ka uuku-dodoun fa. Memak ami uku-dou hai Kristus ninik hataholi daebafa ka uuku-dodoun, tehu besak ia soona, ta so.