AYUB 31:32 - Susula Malalaok Hehelu Palak Ma Hehelu Beuk

³² Au umang-nga nanasoik, ba'eneu hataholi manaleo-la'ok-ka; beita la'i esa fo, au po'i lotak-kasa sungu nai enok lain fa.

AYUB 31:32 ပူးပေါင်းရင်းမြစ်များ

AYUB 29:16

Au da'di amak, ba'eneu hataholi nuu-taa hata-taak-ka; au da'di manamasala'e, ba'eneu hataholi manamai-a.

AYUB 31:31

Hataholi mananaue-nale'di fe au-a bubuluk nae au fe su'di see boe, na'a nai au umang.

AYUB 31:33

Hataholi fe'ek-ka, nafuni sala-singon, tehu beita la'i esa fo, au tao sama leo sila tataon ndia fa.

YESAYA 58:7

Baba'e emi nana'a-neninum neu hataholi kamala'ak-kala, sipok hataholi uma tak-kala nai emi umam. Fe hataholi makaholak-kala, bua papakek, ma boso tipa emi tolanom fo, ana paluu tutulu-fafalik.

MATEOS 25:35

Nanahu nai lelek Au amala'a, emi fe Au u'a, ma nai lelek Au maa ma'da, emi fe Au inu. Au hataholi mana mai, emi sipok Au nai emi umam.

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

ROMA 12:13

Tulu-fali ma tao matetu hataholi Salani fe'ek paluu na, ma sipok emi tolanoom fo namahehelek esa leo emi umam no namahokok, leomae emi beita malela kana fa.

1 TIMOTIUS 5:10

inafalu fo ana tao malole nai basa dede'ak lala'ena dale ka nde: naka boboi ana nala no malole, namahoko sipok hataholi sungu nai uman, nalalau-naoono hataholi kamahehele kala, tulu-fali hataholi mana to'a ta kala, ma ana tao tatao-nono'i malole lupa-lupa kala no te'e-te'ek.

IBRANI 13:2

Boso hiapenge sipok hataholi fo emi beita malela kana, leo emi umam neu. Nana no tatao leondia ka, de hapu hataholi ta name'da fa te, ana sipo hai ata nusa so'dak nai uman so.

1 PETRUS 4:9

Ela leo bee na, esa sipok esa leo esa-esak uman neu, no dale katema tuak.

HAKIM-HAKIM 19:15

De ala tuli naa, fo ala sungu, boema ala masok leo kota dale leu, de leu langatuuk leu uma manek-ka so'dan-na. Tehu, ta hapu hataholi esa boen, nokes leu sungu nai uman fa.

HAKIM-HAKIM 19:17

Lelek toulasik ndia, nita hataholi Lewi sila langatuuk nai masadokek-ka boema, natane nae, “Tolanook-ka meme bee mai, ma sanga leo bee muu?”