AYUB 31:3 - Susula Malalaok Hehelu Palak Ma Hehelu Beuk

³ Tao leo bee-o, Ana fe soe ma susa neu hataholi manatao tatao-nono'i mangalauk-ka!

AYUB 31:3 ပူးပေါင်းရင်းမြစ်များ

2 SEMUEL 18:10

Dauk solda'dun esa nitan boema, nafa'da Yoab nae, “Tuan, na'kasa au ita Absalom lona-lona nai ai manituk esa ndanan-na!”

AYUB 18:12

Makahulun-na mabe'i-balakaik, tehu besak ia, ana male-tale; soe-a non nai mamanak lala'en-na.

AYUB 20:29

Hataholi mangalauk-ka, ua-nalen nde ndia, ua-nalek fo, Manetualain naketun ba'eneun.”

AYUB 21:17

Hataholi mangalauk-ka, banun-na nanafuu nisa haik so do beik, ma ala hapu susa-soe, ma toto'a-sosotak do ta? Manetualain namanasa hais, de nalosa, Ana hukus so do beik?

AYUB 21:30

Lafa'da lae, “Nai faik fo Manetualain fe huhukuk-ka, basa hataholi manatao tatao-nono'i mangalauk-kala, neukose nanasoi-tefak.”

AYUB 31:23

Neukose, au ta tao leondiak fa, nana Manetualain huhukun-na, taon-na au bii-amata'u anseli.

AYUB 34:22

Leomae makahatu kiu-kiuina boeo, ta hapu makahatuk, fo bisa nafuni hataholi masala-masingok-ka fa.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.

MAZMUR 73:18

O fes lapadeik leu eno talimo'dis-sa, de O po'ilotak-kasa tu'u leu, de mopo-mates.

AMSAL 1:27

Hei, neukose au hakinonoli emi, metema emi dalem-ma ta tesa-tama fa, ma doidoso, nanahu soe-a ana mai sama leo ani-sangu, fo ana tuni-na emi.

AMSAL 10:29

Manetualain nasulu-nahapa hataholi manatao ndoos-sa, tehu Ana tao namopo-namate hataholi manatao tatao-nono'i mangalauk-ka.

AMSAL 21:15

Metema, ndoos ma matetuk-ka, nananakalala'ok, soona hataholi malole-a namahoko, tehu hataholi mangalauk-ka, bii-namata'u

YESAYA 28:21

Neukose Manetualain fo'a, sama leo nai Letek Perazim-ma. Neukose Ana ulepo'de, sama leo nai Bafak Gibeon-na, soaneu nakalala'ok dale tutu'un-na, dale tutu'un fo, hataholi daebafak-ka, dodoo doak-kana! Neukose, Ana nakalala'ok tatao-nono'in fo hataholi daebafak-ka, dodoo doak-kana ndia.

BILANGAN 16:30

Tehu metema, Manetualain tao hata esa, fo dodoo basa ia, emi beita mamanene fan, ma dae-a natangga, fo ana ko'do-nalas no basa hata-heton-nala lala'en-na, nalosa ala masok loo ao holi-holin-nala, leo hataholi mana matek-kala daebafan dale neu soona, besak-ka emi bubuluk mae hataholi sila-la, ala la'ban Manetualain.”

MATEOS 7:13

“Masok tunga lelesu makabi'a ka leona, te lelesu ma enok mana leo tasi ha'ik dale neu a, maloa de hataholi ba'u ka hii tunga enok ndia.

ROMA 9:22

Leondiak boe no hata fo Manetualain tao ka. Ana dodoo nae sanga namanasa do natu'du koasa na. Tehu Ana ta haelai namanasa sila fo muse nanahukuk nanahu ala tao lakananasa kana.

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

2 TESALONIKA 1:9

Neukose Manetualain huku hataholi sila la, fo ala doidoso losa dodoo na. Neukose hataholi sila la, nanatapa henik leo deak leu fo, ala doo ka leme Lamatua ka no koasa matua-mademan mai.

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

YUDAS 1:7

Tao leo bee o, emi boeo bubuluk la'eneu kota Sodom no Gamora ma kota titia-tatai nala boe. Kota sila lau nala tatao-nono'in sama leo ata nusa so'dak sila la boe. Ala sosoa-piao, ma ala tao tatao-nono'i mangalauk, nalosa ala doidoso ninik ha'i mana ketu basa ta ka, fo ela ana da'di nasanene'dak neu basa hataholi a.

HAKIM-HAKIM 9:53

inak esa tu'u batu tututu pelak esa neu langan-na, nalosa langaso'en-na natandala.