AYUB 31:23 - Susula Malalaok Hehelu Palak Ma Hehelu Beuk

²³ Neukose, au ta tao leondiak fa, nana Manetualain huhukun-na, taon-na au bii-amata'u anseli.

AYUB 31:23 ပူးပေါင်းရင်းမြစ်များ

KEJADIAN 39:9

Nai ia, au koasang-nga matua sama no koasan-na. Ta hapu hata esa boen, fo au ta ito-ato fan ta'da fe'e Ina. Hapu nai bee, au tao tatao-nono'i mangalauk ndia ma asala-asingo neu Manetualain?”

NEHEMIA 5:15

Gobelnol makahuluk-kala, ala da'di lelepa mabela soaneu laun-na, nana lakaseti laun-na fo faik esa soona, esan-na fe doi fulak haahulu soaneu sila nana'a-nininun ma angol. Nakalenak hataholi mana'a ngga'din-nala boeo tuni-ndeni laun-na. Tehu au ta nau tao leondiak fa, nanahu au bii-amata'u neu Manetualain.

AYUB 13:11

Ade, Manetualain matua-mademan, ta tao nanggengek emi dalem-ma fa do?

AYUB 20:23

Lelek, ana pue-lau no na'a-ninuk-ka, Manetualain namanasa nanseli, de Ana hukun.

AYUB 21:20

Nemen-na, fo hataholi masala-masingok-ka, ana lu'a-lepa aon sala-singon, nemen-na, fo name'da nita, Manetualain Fo Mademaina, nasa-melun.

AYUB 30:15

Bibii namata'u matuaina, ana potin-na au aoinang-nga; au na'de maloleng-nga, mopok-kana, sama leo anin-na; au ua-nale maloleng-nga mopon, sama leo ko'as-sa, mopok-kana.

AYUB 31:3

Tao leo bee-o, Ana fe soe ma susa neu hataholi manatao tatao-nono'i mangalauk-ka!

AYUB 40:9

Ade, o balakaim-ma, sama leo Au do? Ade, o halam-ma, bisa nadodolo sama leo Au do?

MAZMUR 119:120

Au dele ngge'be-ngge'be nanahu au bii-amata'u neu O, au daleng-nga dele, la'eneu O nakeketum-ma.

MAZMUR 76:7

Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

MAZMUR 88:15

Ou Manetualain, tao le'e de, O ta sipok au fa? Tao le'e de, O lepos O mata-panam neme au mai?

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

2 KORINTUS 5:11

Ami bubuluk, sosoak hata ita bii Lamtua ka; hu ndia de ami sanga enok fo hataholi la lamahele, see ami ia. Manetualain nalelak besa-besa no ami, de au amahena emi boeo malelak ami nai emi dalem dale.