AYUB 30:23 - Susula Malalaok Hehelu Palak Ma Hehelu Beuk

²³ Au bubuluk, O moo au leo mamates-sa neu, mamanak fo, basa hataholi maso'dak-kala, nanatao nakabubuak.

AYUB 30:23 ပူးပေါင်းရင်းမြစ်များ

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

2 SEMUEL 14:14

Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

AYUB 10:8

O limam-ma, nde taon-na au, alupa hataholi-a, masa bole esak ia, O sanga tao mamopo-mamate au?

AYUB 14:5

O maketu basa, hataholi daebafak-ka, teun-na so; O maketu basa bulan-na, dede'un-na so. O maketu so'dan-na, too-lanen boe; de ta bisa, ana nggani seli fan.

AYUB 21:33

Hataholi lifu-lifun, tunga manandolo kopan-na, ma no koe-koek, lakadofu dae ketun.

AYUB 3:19

Nai naa, basa hataholi-la sama; nananita-nalelak, ma ta nananita-nalelak fa. Ma mate'en-na, basa ata-la nanase'i-po'ik.

PENGKHOTBAH 8:8

Ta hapu hataholi esa boen, bisa napanggee, do nakamama'ak mamaten-na fa. Ndia natee-natatik esa, fo ta hapu di'o heni fan. ta bisa nala deak neme mamates-sa mai fa leomae ana sanga enok nenik ke'di-ndiuk do tipu daik boe.

PENGKHOTBAH 9:5

Ta bole nae ta, hataholi maso'dak-ka bubuluk nae mamates-sa nahanin, tehu hataholi manamatek-ka, ana ta bubuluk hata-hata fa. Ta hapu ngga'di do sese'bak ba'eneun fa, ma lafendele heni na'den-na so.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

YOSUA 23:14

Besak ia, fain-na losa, au mate ia so. Emi basa-basam-mala, esa-esak bubuluk matalolole, mae emi Manetualaim-ma, fe basa emi, hata malole lala'en, fo Ana helu basan so. Ana tao natetu la'iesak, hehelu-balataan so, ta ela esa boen.