AYUB 3:5 - Susula Malalaok Hehelu Palak Ma Hehelu Beuk

⁵ Tao-ma faik ndia, da'di fai makahatuk kikiuina, keluha'buk fo ta nasalaa fa; poti-man, nenik ko'as, ma masakoko'ak-ka, babaaketun neme le'do-a haan-na mai.

AYUB 3:5 ပူးပေါင်းရင်းမြစ်များ

AYUB 16:16

Au mata-panang pilas, hu kande kikiik-ka; au mata loung-nga peta, ma ana kapahe'duoe.

AYUB 24:17

Fafaik-ka, neni bibii-namata'u matuaina, ba'eneun, tehu makahatu kiu-kiuina, nandaa no dalen-na.”

AYUB 28:3

Makahatu kiu-kiuina, ana tola mamanak madema ina, fo nanapalisak matalolek. Hataholi-a sanga batu, nai ndia, fo nai makahatuk dale,

AYUB 3:4

Ou Manetualain, tao-ma faik ndia, da'di fai makahatuk, fo O boso boe mafandele bain, nalosa mopok-kana; boeo, O boso po'ilotak, mangale'dok-ka nangale'do la'en.

AYUB 3:6

Ela leo been-na, le'odaek ndia, nanatao namopok neme teuk ma bulak-ka leleken-na mai; boso boe nafandele bain, boeo boso boe seseik-kana bai.

AYUB 34:22

Leomae makahatu kiu-kiuina boeo, ta hapu makahatuk, fo bisa nafuni hataholi masala-masingok-ka fa.

AYUB 38:17

Hapu hataholi natu'du hai o, lelesuina manai bolo mamates, fo makahatu kiu-kiuina, matan-na so do beik?

MAZMUR 107:10

Hapu nggelok langatuuk nai makahatuk dale, hataholi nanahukuk, fo ana doi-doso nai lange besi dalek,

MAZMUR 107:14

Ana noos kalua leme makahatuk dale mai, ma Ana tao nala'di sila langen-nala.

MAZMUR 23:4

Leomae au la'ok tunga bafak makahatuk dale boe, au tabii soe-a fa, nana O sama-sama mo au O masulu-mahapa au, sama leo hataholi manafoo esa nasulu-nahapa bi'ilopon-na nenik ai tete'ek ma ai kalapu'ak.

MAZMUR 44:19

Ami dalem-ma ta nalelesi O fa; ami ta mafandele heni O paletam esa boen.

YESAYA 9:2

Manetualain, O fes namahoko matuaina, O taom-malas eeki-latadale. Lamahoko-setelee nanahu O dale malolem-ma, sama leo hataholi fo namahoko-setelee nai lelek fai ketu-kolun-na, do nai lelek ala baba'e bua kakalok-kala.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YEREMIA 4:28

Neukose daebafak-ka teisusa dale he'dik, lalai-a makahatu kiu-kiun-na. Manetualain kokolak basa de neukose, ta nasafali dale tutu'un-na fa. Ana ho'i basa nakeketuk so, de neukose, ta nakadedeak nggani eik esa boen.

YESKIAL 34:12

sama leo manafoo esa, ana sanga bi'ilopon-nala, fo ana foo nakabubua manatapasasalak-kala, boema nakabobois. Neukose Au foo falik-kasa leme mamanak fo, nai bee ala tapasasala, nai faik fo nasakoko'a ma makahatuk ndia.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

AMOS 5:8

Manetualain nde tao nduuk manai lalai-la – nduuk Belantik ma nduuk Kartika: Ana tao nasafali makahatuk-ka da'di mangale'dok, ma lele'dok-ka da'di le'odaek; Ana po'a oe manai tasi dale-a leo ma'dak lain mai, Fo manatao basa sila-la, na'den-na nde Manetualain.

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

MATEOS 4:16

Hataholi fo naso'da nai makahatuk dale a, Lita mangale'do mandela-masa'a ka so! Ba'eneu hataholi fo ana leo nai nusa makahatuk ma mamate sa dale ka, mangale'do ka sa'a na tii-to'da mai so!”

LUKAS 1:79

leondiak boe, Ana fe mangale'do na neu basa hataholi fo laso'da nai makahatu ka dalek ma bibii-namata'u ka. Ana hela-nole ita leo enok fo manaleo mole-dame neu.”

ULANGAN 4:11

Tui emi anam-mala, tao leo beek de emi mai de emi mapadeik nai letek ia huun-na, letek fo ha'imasu makahatuk-ka poti-nan sama leo ko'as makateina, ma ha'in-na pila losa leo lalai neu.

IBRANI 12:18

Tolano-tolanoo kala ta masasale matak mo hata esa, sama leo leoina Israe la makahulu na lasasale matak lo nana. Ala lasasale matak lo hata esa, fo bisa nafaloen, fo nde Lete Sinai no ha'i mana pila lo'a-lo'a na; ala lasasale matak lo makahatu ka, makahatu nggeoina ma ani sangu a;