22 Metema mates, fo nananatoi-natonok soona, besak-ka, ala hapu lame'da lita, tetu-temak-ka.
Tehu, hataholi mangalauk-ka, neukose ana mete, fo napangamak, nana, ta hapu tutulu-fafalik ba'eneu sila fa. Sila namahehenan-na, ka'da kisak esa mesak-kana, fo nde, mamates-sa, losa lai-lai leona.”
Hataholi lifu-lifun, tunga manandolo kopan-na, ma no koe-koek, lakadofu dae ketun.
Sila lahiik bolo mamates-sa, lena heni hata-heto, lahani mamates-sa, te mamates-sa ta losa fa.
Manetualain tao-nas ta bubuluk so'dan-nala, nai fai manamaik-ka, Manetualain nakahapi-nalas neme mamanak lala'en-na mai.
Neukose, dede'ak ndia, nalupa kokoe-nanasik ba'eneu au; neukose au longe nai doidosok-ka tala'da. Au tunga, ma au taoafik akandoo, neu basa Manetualain, Fo Malalao-malalafuk-ka, paletan lala'en-na.
Tao le'e de, Manetualain ta hii namanene au huhule-haladoing fa? Tao le'e de, Ana ta taoafik neu au hala naloloong-nga fa?
Nalosa, au ahiik anseli, hataholi ki'du au botoliing-nga, fo mate au, neme au aso'da nai aopaak, fo henuk no doidosok ia.
Au ape'da dalek, lelek afandele hataholi manamate dook-kala so, nanahu sila laua-lanale lena neme hataholi bei maso'dak-kala mai.
Tehu manamaua-manalek lena seluk kande, hataholi fo beita bongi fas, nana sila beita lita tatao-nono'i mangalauk fo manatao-no'ik nai daebafak ia fa.
Boema hataholi bei maso'dak neme leoina mangalauk ia, fo nanatao tapasasalak leo basa mamanak lala'en-na, neukose ala lahiik mate neme laso'da mai. Au, fo Manetualain nde manakokolak-ka.”