AYUB 29:14 - Susula Malalaok Hehelu Palak Ma Hehelu Beuk

¹⁴ Au ho'i nakeketuk soona, tunga ndoon-na, ma bu'u-ba'en ta; au apadedeik atetu ndoos ma matetuk-ka tataas esa.

AYUB 29:14 ပူးပေါင်းရင်းမြစ်များ

AYUB 27:5

Da'di, au ta nau afa'da, ae emi ndoos fa; losa mate boeo, au akatatakak ahele, ae au ta manggenggeok fa.

AYUB 27:6

Au ho'u ahele au ndoong-nga, ma au dale bobongoanang-nga boeo, malalaok tataas esa.

AYUB 31:36

soona no dale namatua, au pasak-kana neu au alung-nga, ma au taon neu au langang lain, da'di leo bulamolik.

MAZMUR 119:121

Au akalala'ok basa hoholo-lalanek, ma ndoos ma matetuk-ka so, de boso fe au leo, au musu noong-nga liman neu.

MAZMUR 132:9

Ela leo bee-na, O anam-mala eeki-latadale, ma lamahoko-setelee, ma basa O imam-mala, laso'da tunga O hihii-nanaum tataas esa.

YESAYA 28:5

Manetualain Fo Manakoasa, neukose Ana da'di bunga mana'ahiik, ba'eneu Anan fo, bei elak-kala.

YESAYA 59:17

Ana pake ndoos ma matetuk-ka, ma so'da-molek-ka, da'di leo ba'du besik, ma ti'ilanga bai. Dalen-na kisak soaneu Ana tao nabebeu, ma Ana balas hataholi ta manatao ndoos ma matetuk-ka fa.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YESAYA 62:3

O da'di sama leo ti'ilanga manek mana'ahiik nai o Manetualain-na liman-na.

ZAKHARIA 3:5

Ata nusa so'dak ndia boeo, ana paleta malalau-maoonon-nala, fo ala tao bulamolik balisi neu Yosua langan-na. Ala tao tunga paleta ndia, de basa ndia boema, ala pake Yosua bua-lo'a beuk ndia, no Manetualain ata nusa so'dan-na naneas.

ROMA 13:14

Neme na fo Lamatuak Yesus Kristus nde naketu hata fo emi muse tao-no'i nana. Ma boso tunga hataholi masala-masingo kala ha'da-paliin fo sa'di ala tao latetu sila nasamelun.

2 KORINTUS 6:7

No tui-benga hala ndo sa, ma no Manetualain koasa na, ami matu'du mae ami ia nde bee na Manetualain ata nala. Ami ho'u mahele Manetualain hihii-nanaun da'dileo ami tee-tafam fo ami sapu ma musu a ma soaneu ami masala'e ami aoina ma boe.

EFESUS 6:14

Ela leo bee na, emi manea tataas esa. Pake lilinekak neu Manetualai na, da'di neu kalikee, boema dale ndo sa, da'dileo, o ba'du besi ma.

ULANGAN 24:13

tehu tunga-tunga le'odaen-na, muse fe falik-kana, fo ela ana sungu soona, ana pake. Soona neukose, ana noke makasi, fo emi Manetualaim-ma, neukose dalen-na namahoko neu emi.

1 TESALONIKA 5:8

Tehu ita nde bee na, hataholi fo naso'da nai mangale'do ka dalek, nai fai lele'do na; hu ndia de, ita dudu'a-aafin boeo, muse mangale'dok. Ita muse tamahele tahele Lamatua ka, ma sue-lai hataholi fe'ek, boema tamahena no namahehelek tae, neukose Manetualain soi-tefa na ita. Ndia nde tee-tafa fo nasulu-nahapa ita, nai lelek ita laban makahatu ka.

NINITAK 19:8

Manetualain fe basan, bua papakek fo nanataok neme tema fula balisi ma mangadilak neu pengante na.” (Tema fula mangadilak ndia nde bee na, ta'du-tana neme Manetualain hihii-nanaun fo hataholi kamahehele nala nde tao nana.)