AYUB 28:16 - Susula Malalaok Hehelu Palak Ma Hehelu Beuk

¹⁶ Lilopilas ma poemata kabeliina, belin-na ta dai fan.

AYUB 28:16 ပူးပေါင်းရင်းမြစ်များ

1 TAWARIKH 29:4

lilopilas neulauk ton natun esa ma lenak, ma lilofula isik fafa'kama ton natun dua haahulu soaneu nakadiditak-kasa neu Manetualain Uman-na papalan-na, ma soaneu bua-lo'as fo manatao-no'i malelak-kala muse tao-no'in. Nah, besak ia see seluk bai, fo anan nau fe tutunu-hohotun neu Manetualain no dalek-katematuak?”

AYUB 28:15

Manatee-tenok-ka, ta hapu tuka fan, leomae tukan nenik lilopila isik boe, ma ta hapu asan nenik lilofulak boen.

AYUB 28:17

Ta hapu nakasasamak lilopilas do titino talimo'dis-sa no fan, ta hapu bae nenik galas nininuk lilopilas-sa fa.

MAZMUR 45:9

O papake-ngganggaom naboo laluteik, gaharu ma kainituk; manamakaminak sasanu manai uma manek ngga'di dui-a, tao-la o mamahoko.

KELUARAN 28:20

Nai dalak ka 4, tao batu poemata dula momo'do-balau, batu poemata dula momo'dok ma batu poemata dula kuni-mangadilak. Muse pa'a batu poemata ka 12 sila-la nenik lilopilas.

KIDUNG AGUNG 5:14

Liman-na mana'ahiik, ana pake ndeli lilopilas no poemata aon-na sama leo ngga'di noli nanadulak batu nilam.

YESAYA 13:12

Hataholi nanasoi-tefak-ka lumanak nanseli, ta hapus makandondook fa, lena heni neme sanga lilo isik-ka.

YESAYA 54:11

Manetualain nafa'da nae, “Hai Yerusalem, kota fo ua-nale ta malole fa, o be'i-balakaim ta, ma o manakokoe-nanasim ta. Neukose Au pe'da falik o batu netem-mala, nenik batu kabelik-kala.

RATAPAN 4:7

Makahulun-na ami mauli-malangam-mala neuisik sama leo abas fo fula balisi. Sila makadelek ma balakaik so'da-la'dak ma ta lamahe'di fa.

YESKIAL 28:13

O mamana leleom-ma nai Eden, fo Manetualain osin-na. O bua papakem-mala, nanabalias nenik poemata mata-matak-kala fo nde: batu dalima dula pilas, batu poemata dula fula-momo'dok, batu poemata dula kunik, batu poemata dula balau, batu poemata dula momo'dok, batu poemata dula kunik mangadilak, batu poemata dula kunik lilopilas, batu poemata dula balau, batu poemata dula momo'dok ma batu alkali pilas. O bua-lo'a lilopilam-mala boeo makadotok. Bua-lo'as sila-la, nanataok soaneu o, nai faik fo o nananakadada'dik-ka.