AYUB 27:9 - Susula Malalaok Hehelu Palak Ma Hehelu Beuk

⁹ Ade, metema toto'a-tataak tuni la'en soona, neukose Manetualain namanene kikiin-na do ta?

AYUB 27:9 ပူးပေါင်းရင်းမြစ်များ

MAZMUR 109:7

Nemen-na fo, nananaketu-nala'dik, fo nananafa'dak, ndia nasala, ma nemen-na fo, huhule-haladoin, nananafa'dak, sala-singok.

MAZMUR 18:41

O taom-ma, au musung-ngala lalai leme au mai; hataholi fo ala lakamuu-lakadau au-a, au tao amopo-amates.

MAZMUR 18:42

Ala nggasi, tehu ta hapu manatulu-fali fa, ala laloo bou-bou neu Manetualain tehu Ana ta nataa fa.

MAZMUR 66:18

Metema au nau dudu'a-dodoo mangalauk nai au daleng dale soona, tao leo bee-o, Manetualain ta nau namanene fan.

AMSAL 1:27

Hei, neukose au hakinonoli emi, metema emi dalem-ma ta tesa-tama fa, ma doidoso, nanahu soe-a ana mai sama leo ani-sangu, fo ana tuni-na emi.

AMSAL 1:28

Nai lelek ndia, neukose emi maloo au, tehu neukose, au ta ataa fa. Neukose emi sanga au nai basa mamanak lala'ena, tehu emi ta matongo moo au fa.

AMSAL 28:9

Metema, o ta tunga Manetualain hoholo-lalanenfa soona, neukose Manetualain boeo, malua o huhule-haladoim.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YEREMIA 11:11

Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

HOSEA 7:14

Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

MIKHA 3:4

Neukose fain-na losa, emi nggasi moke tutulu-fafalik neu Manetualain, tehu Ana ta nau nataa fa. Neukose Ana ta namanene emi huhule-haladoim fa, nanahu emi tao tatao-nono'i mangalauk so.

ZAKHARIA 7:13

Au ta ataa huhule-haladoin-nala fa, nanahu sila boeo ta lamanene Au, nai lelek Au kokolak fa.

LUKAS 13:25

Nai lelek uma lamatuak fo'a napadeik de ana kena lelesu na, ndia te emi mapadeik nai deak de emi dedelu lelesu a, boema emi mafa'dan mae, ‘Tuan, soi fe ami lelesu leona!’ Soona neukose Tuan ndia nataa nae, ‘Au ta bubuluk emi meme bee mai fa!’

YOHANIS 9:31

Ita bubuluk basa, Manetualain ta nau namanene hataholi masala-masingo ka huhule-haladoin fa, te namanene ka'da hataholi manafe ha'da-holomata ma manatao tunga hihii-nanau na, huhule-haladoin dei.

ULANGAN 1:45

Basa boema, emi fali ma'im-ma, de emi maloo bou-bou neu Manetualain fo moke tutulu-fafalik, tehu Ana ta nau namanene, do taoafik neu emi fa.”

YAKOBIS 4:3

Ma leomae emi moken so boe, tehu leondiak boeo emi ta hapu fan, nana emi nonokem ndia, sala eno na; hata fo emi mokek ndia nde bee na, soaneu emi hapu manuu hika-setelee daebafa ka mesa kana.