AYUB 27:6 - Susula Malalaok Hehelu Palak Ma Hehelu Beuk

⁶ Au ho'u ahele au ndoong-nga, ma au dale bobongoanang-nga boeo, malalaok tataas esa.

AYUB 27:6 ပူးပေါင်းရင်းမြစ်များ

AYUB 13:18

Au dede'ang-nga, nanasadia basak po'a-bengan; au amahele, au salang ta.

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

AYUB 2:3

Boema, Manetualain natane nae, “Ade, o taoafik neu Au atang Ayub do ta? Nai basa daebafak-ka lala'en-na, ta hapu hataholi lilinekan ma dale malolen-na, sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa. Ana bei lilineka nahele Au, leomae o fufu'di-oo'dok Au, fo Au tao susa-soen, no ta nanuu enon-na fa.”

AYUB 27:7

Ela leo been-na, au musung-nga, nanahukuk da'di leo hataholi malelesik, ma au musu noong-nga, nanananolik da'di leo hataholi mangalauk.

AYUB 29:14

Au ho'i nakeketuk soona, tunga ndoon-na, ma bu'u-ba'en ta; au apadedeik atetu ndoos ma matetuk-ka tataas esa.

AYUB 31:6

Nemen-na, fo Manetualain tai au, nai tatais matetuk lain, soona neukose, Ana bubuluk, nae au salang ta.

AYUB 31:7

Metema, au singo heni eno ndoos-sa, do au daleng-nga, nahiik dede'a manggenggeok, metema, au limang-nga naggenggeo, hu kande sala-singok-ka,

AYUB 32:1

Hu kande, Ayub namahele nanseli neu ndia ndoon-na, boema tia-lai ka telun sila-la boeo, ta nau lataan so'on.

AYUB 32:2

Tehu hataholi esa nai ndia boe, na'de Elihu, fo Barakheel anan-na, fo Bus tititi-nonosin esa nde ndia, neme teidalek Ram-ma mai Ana ta bisa nakatatakak-na nasan-na fa, hu kande Ayub nafa'da nae, ndia ndoos, ma ana fe salak neu Manetualain.

AYUB 40:8

Ade, o sanga malelesi Au ndoong ma matetung-nga, fo o soa ndoon-na, ma o fe salan-na leo Au mai do?

AYUB 6:29

Boso ho'i nakeketuk fo, ta ndoos ma matetuk fa, mame'dak leona! Boso makamuu-makadau au, te tete'ek-ka, au salang ta.

AMSAL 4:13

Mafandendelek tataas esa, neu nanolik fo, o sipo basan neme au mai so. Manea matalolole basa sila-la, nana no nanolik sila-la, fo o so'dam-ma, neukose nabuna-naboa

HATAHOLI 24:16

Hu ndia de au sanga enok matalolole tatas esa fo daenga au dale bobongo ana nga balisi soaneu Manetualain, ma balisi soaneu hataholi daebafa ka.

2 KORINTUS 12:11

Tete'e ka, au tao nono'ka bai sama leo hataholi nggoak so – tehu emi nde tao ma au da'di tao leondiak. Tunga ndo na, emi nde muse koa-kio au. Nana leomae au ta soa-ndaa hata esa boen, te au ta kala makandondook la'eneu hataholi nadedenuk fo nananita-nalelak sila la fa!