AYUB 27:23 - Susula Malalaok Hehelu Palak Ma Hehelu Beuk

²³ Hataholi-la soluk tutu'dan-na, nenik totoko limak; ana hapu nakamumulu-nakamamaek nai mamanak lala'en-na.”

AYUB 27:23 ပူးပေါင်းရင်းမြစ်များ

1RAJA-RAJA 9:8

Uma hule-haladoik ia neukose ana da'di ai-batu madodouk esa, nalosa hataholi manala'ok tunga ndia, neukose ala nggenge ma ala bii-lamata'u lanseli. Neukose lafa'da lae, ‘Taole'e de Manetualain tao leondiak soaneu nusak ma uma ia?’

AYUB 18:18

Nanausi henik neme mangale'dok-ka mai, leo makahatuk dale neu; nana-nadook neme hataholi maso'dak-ka daebafan-na mai.

AYUB 20:8

Neukose mopon, sama leo me'is-sa, mopok-kana, sama leo mata memetek-ka, nai fai le'odaen-na.

AYUB 28:1

Hapu mamanak fo, hapu lilofulak nai ndia; ma hapu mamanak, fo nai bee, lilopilas-sa nanataok neu liloisik.

AYUB 34:37

Nanahu o tao seluk sala-singok no nalena langa-nasa'ba soona; ana la'ban neu Manetualain, ma nakamumulu-nakamamaek-kana nai ita matan.

AMSAL 11:10

Metema hataholi manatao tunga ndoo-na, hapu baba'e-papalak soona, kota namahoko-setele; metema mate hataholi mangalauk-ka soona, laun-na eeki-natadale.

YEREMIA 19:8

Neukose Au tipas mamate-momopok-ka fo matuaina nanseli neu kota ia de nalosa basa hataholi manala'ok tunga ndia neukose ala nggenge ma langgenggengo ao.

RATAPAN 2:15

Basa hataholi manala'ok tunga ndia, hakinonoli o, nanahu nakalulutuk basa o lala'en-na so. Lakakale langa ma lafa'da lae, “Ade, ndia ta nde kota mana'ahiik nanseli, kota fo daebafak-ka namatutua-namadedeman do?”

YESKIAL 25:6

Manetualain Fo Mademaina, nafa'da nae, “Emi totoko lima, boema emi foti-longe. Emi makadadaek dae Israel-la.

MIKHA 6:16

Basa sila-la ala da'di, nanahu emi tunga Mane Omri no anan, fo nde mane Ahab-pa tatao-nono'i mangalaun-nala. Emi tunga sila eno-dalan. Hu ndia de, neukose Au tao akalulutuk emi, ma neukose ala kuku'e-koko'dok emi, ma basa leoina lala'en-na, lakamumulu-lakamamaek emi.”

NAHUM 3:19

O makahinam-ma, ta hapu puli-namo'do fan, ma o bisum-mala ta hapu hai fa. Basa hataholi fo lamanene halak la'eneu o nakalulutum-ma, ala totoko liman-nala nana lamahoko. Nana basa hataholi-la doi-doso, hu kande o tatao-nono'i mangalaum fo ta hapu mate'e-mahanin ndia fa.

ZEFANYA 2:15

Manada'dik ndia nde neukose, ana da'di neu kota fo henuk no hika-setelek ndia, ma nafa'da nae ndia so'da-molek. Laun-nala laedaenga, sila kotan ndia, kota matuaina nanseli nai daebafak-ka. Te se'kona, kota ndia nee-nee lino-linok nanseli, ta hapu hataholi leo nai ndia fa, ka'da bana fuik-kala leo lai ndia! Hataholi see la'ok tunga kota ndia soona, neukose ana nggenge, ma aon-na ndefa kao-kao.

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!