AYUB 27:22 - Susula Malalaok Hehelu Palak Ma Hehelu Beuk

²² Susa-soe tuni la'en, no ta pake dale kasian fa, de nau do ta nau fa, neu sanga nasulu-nahapak

AYUB 27:22 ပူးပေါင်းရင်းမြစ်များ

AYUB 10:7

Tunga ndoon-na, O bubuluk ma mame'da, mae au salang ta, tehu ndoos. O bubuluk mae ta hapu esa boen ana soi-tefa nala au neme O limam-ma mai fa.

AYUB 11:20

Tehu, hataholi mangalauk-ka, neukose ana mete, fo napangamak, nana, ta hapu tutulu-fafalik ba'eneu sila fa. Sila namahehenan-na, ka'da kisak esa mesak-kana, fo nde, mamates-sa, losa lai-lai leona.”

AYUB 20:24

Metema nalai fo dook-ka neme tafaina bai mai soona, neukose kokouisik neme liti-a tolan.

MAZMUR 11:6

Ana huku hataholi mangalauk-ka, nenik susa-soe, nenik ha'i, nenik belerang ma anin fo, manatao naputuk-ka.

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YEREMIA 13:14

Boema neukose Au tao tapasasala sila esa no esa. Lasik ma mulik, neukose Au tao taos tao leondiak ta pake do'o-do ampon fa. Neukose Au tao akatoto'a-akatatak-kasa ta pake nameme'da susuek do lalaik fa. Au Manetualain, nde manakokolak-ka.”

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.

AMOS 2:14

Manamalai makamiuk-kala boeo, neukose ta laladeak fa. Hataholi balakaik-kala, neukose mopo balakain-na, ma hataholi ao kahelek-kala, neukose ta lala huhukuk-ka deak fa.

YUNUS 1:10

Basa boema, ana tui, tao leo beek de nalai neme Manetualain mai. Ofa isi-la lamanene dede'ak ndia boema, ala boetai bibiik-ka, de lafa'dan lae, “O tatao-nono'im ndia, anseli!”

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

ULANGAN 32:23

Ana fe susa-soe-a, ana mai nakandondoo henin. Neukose Au kous, nenik Au kokou ising-ngala lala'en-na.

YOSUA 10:11

Nai lelek hataholi Amori-la bei loe letek ndia, nanahu lalai leme solda'du Israel-la mai boema, Manetualain fe u'da eis matuaina-la tu'da leme lalai mai de tuni-nalas, su'di enok-ka nanalun-na losa Azeka. U'da eis ndia tunenisa hataholi-la, de'u lena hataholi Israel-la taolisak-kala.

SEMUEL SUSULAK-KA ESAN-NA 25:29

Leouni'ka, hataholi esa, sapu-na au Ama Maneng, fo ana so'ba taonisa au Ama Maneng soona, tao leo bee-o, neukose Manetualain nasulu-nahapa au Ama Maneng, sama leo hataholi mahata-hetok-ka, nanea hata-heton. Tehu neukose, Manetualain tapa heni au Ama Maneng musun-na, leo dook eli neu, sama leo hataholi manaho'u pipiluk-ka, ana pilu batu-a leo dook eli neu.