AYUB 27:10 - Susula Malalaok Hehelu Palak Ma Hehelu Beuk

¹⁰ Tunga ndoon-na, ana muse nahiik hapu namahokok neme Manetualain mai, ma ana hule-haladoi neun, tataas esa.

AYUB 27:10 ပူးပေါင်းရင်းမြစ်များ

AYUB 27:11

Neukose, au anoli emi, la'eneu Manetualain koasa matuainan-na, ma au afa'da emi, Manetualain Fo Manakoasa, dale tutu'un-na.

AYUB 35:10

Tehu ta loke neu Manetualain, fo mana makadada'dik sila fa, fo manafe namahehenak neu sila, nai lelek sila susa,

MAZMUR 14:4

Manetualain nae, “Hataholi mangalauk sila-la, ta lame'da fa do? Ala laso'da lenik ka'da, ala kalo Au anang-ngala, ma ala ta hule-haladoi neu Au fa.”

MAZMUR 37:4

Sanga o tetu-temam nai Manetualain, neukose Ana tao natetu o dale hihiim-ma.

MAZMUR 43:4

Soona neukose au u leo Manetualain mei tunu-hotun u, fo au asale leo Manetualain fo au oemata tetu-temang-nga. Neukose au akamee ma au akaminak kecapi, soaneu koa-kio O, ou Manetualain, fo au Manetualaing-nga.

YESAYA 58:14

Soona neukose emi mamahoko-setelee, nanahu emi makatele neu Au. Neukose Au tao-a emi da'di hataholi nananita-nalelak, nai basa daebafak-ka lala'en-na. Neukose emi maso'da no namahokok, nenik emi bei-ba'i kaim Yakob, dae pusakan-na, buna boan. Au, fo Manetualain nde manakokolak-ka.”

HABAKUK 3:18

tehu neukose, au amahoko tataas esa nana au manasoi-manatefang nde O fo Manetualain.

MATEOS 13:21

Tehu halak ndia ta nahuu-naoka nai dale nala dalek fa, nalosa ana ta hapu nakatatakak nala doo ka fa. Leondiak ala hapu doidosok, susa-soe, ma fefepa-lili'uk, nanahu dede'a-kokolak sila la, tutika ala fali deak leona.

LUKAS 18:1

Basa ndia boema Yesus tui nakandandaak esa soaneu nanoli ana manatunga nala fo ela ala hule-haladoi tataas esa ma boso ketu namahehe nala.

HATAHOLI 10:2

Touk ia no basa uma isi nala fe ha'da holomata neu Manetualain. La'iba'u ka ana tulu fali hataholi Yahudi nuu ta-hata ta kala, ma ana hule-haladoi neu Manetualain tataas esa.

EFESUS 6:18

Tao-no'i basa dede'ak sila la no huhule-haladoik, soaneu moke tutulu-fafalik neme Manetualain mai. Nai basa fai loak lala'ena, hule-haladoi sama na leo Manetualain Dula Dale na, hela-nole emi. Ela leo bee na, emi manea tataas esa, ma boso makadede'ak. Hule-haladoi tataas esa soaneu Manetualain hataholi kamahehelen lala'ena.

1 TESALONIKA 5:17

ma hule-haladoi tataas esa.