AYUB 26:6 - Susula Malalaok Hehelu Palak Ma Hehelu Beuk

⁶ Nai Manetualain matan soona, hataholi manamatek-ka daebafan-na, natahuka, nanakena tak, nalosa nitan.

AYUB 26:6 ပူးပေါင်းရင်းမြစ်များ

AYUB 11:8

Koasan-na, dema lena heni lalai maloa; o ta bisa dai fan, fo o ho'i ma fan. Koasan-na, dema lena heni, hataholi manamatek-kala, daebafan-na, o ta bisa malelak-kana, makandondook fa.

AYUB 28:22

Mamates-sa, ma momopo-mamatek-ka boeo lafa'da lae, sila lamanene ka'da, dede'a anin mesak-kana.

AYUB 3:13

Leounik-ka, mate au nai hatematak ndia, soona au sungu, ma au hahaeaong no nee-nee lino-linok,

AYUB 31:12

Sala-singok ndia, ana tao namopo-namate, sama leo ha'i manai tasi ha'ik dale-a, ana hotu heni, basa au hata-hetong lala'en-na.

AYUB 38:17

Hapu hataholi natu'du hai o, lelesuina manai bolo mamates, fo makahatu kiu-kiuina, matan-na so do beik?

AYUB 41:11

See kande, bisa sapu-nan, fo ta nakahina fa? Nai daebafak ia, ta hapu hataholi napalani tao fan.

AYUB 9:5

Manetualain kekoheok letek-ka, te hataholi ta bubuluk fa, boema Ana fae nalenga-natonon, nenik nasa-melun.

MAZMUR 139:11

Metema au oke, fo ela makiu-makahatuk-ka poti-na au, fo mangale'dok manai au boboa-kaisung-nga, da'di le'odaek,

MAZMUR 139:8

Metema au kae leo lalai u, O nai naa, metema au sungu nai bolo mamates dale, O nai naa boe.

MAZMUR 88:10

Au matang-nga ma'u-ma'u, nanahu doidosok-ka. Tunga faik, au aloo bou-bou neu O, Manetualain, ma hule-haladoi no lima nakapelak.

AMSAL 15:11

Manetualain bubuluk hataholi manamatek-ka daebafan-na no eno-ma'an; hapu nai bee, hataholi daebafak-ka dudu'a-aafin nananafunik eme Manetualain mai?

AMSAL 27:20

Hapu mamanak tataas esa, nai hataholi manamatek-ka, daebafan-na; leondiak boe, hataholi daebafak-ka, dale hihiin-na ta hapu too-lanen fa.

YESAYA 14:9

Hataholi manamatek-kala daebafan-na lakalupu-lakasee, sipok mane Babel ndia. Boema hataholi fo makahulun-na ala koasa nai daebafak-ka samanen-nala nggenge, ma basa manek-kala samanen-nala, ala fo'a leme sila kandela manen lain mai.

DANIAL 2:22

Ndia nde nafa'da bibila-babaak mademaina. Ndia bubuluk basa hata lala'en fo ana da'di nai makahatuk dale. Mandela-masa'an-na poti-nan.

AMOS 9:2

Leomae ala tola leo hataholi manamatek-kala daebafan dale leu boeo, neukose Au hapus. Leomae ala kae leo lalai leu boeo, neukose Au akona henis leme naa mai.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

NINITAK 9:11

Lanuu manek fo ana paletas, ma manek ndia nde ata nusa so'dak manamanea faka mamate sa. Na'de na nai dede'a Ibrani dalek soona, Abadon, ma nai dede'a Yunani dalek soona, Apolion, fo sosoa na nae, “Mana Tao Nakalulutuk”.