AYUB 24:13 - Susula Malalaok Hehelu Palak Ma Hehelu Beuk

¹³ Hapu hataholi nggelok, ta sipok mangale'dok-ka fa, de ala musu loon, ala ta lalelak, ma ala ta tunga enon-na fa.

AYUB 24:13 ပူးပေါင်းရင်းမြစ်များ

1RAJA-RAJA 3:20

Fatila'da nai lelek au bei sungu, boema ana fo'a de ana ko'o na au anang-nga neme au boboa nga mai. Nangapepe'uk au anang-nga neu ndia pepe'un lain, ma nangapepe'uk ndia ana manamaten-na neu au pepe'ung lain.

AYUB 24:12

Hataholi fo hihii nae maten-na, hoo-nggu'un nananamanenek nai kota-la, hataholi mabisuk-kala, laloo bebou, loke puli-namo'dok, tehu Manetualain ta nau namanene huhule-haladoin-nala fa; Ana ta nau taoafik neu fas.

AYUB 24:14

Nai fai lolobahaan-na, tou kanisak-ka, fo'a neme susungun-na mai, boema, ana kalua, fo neu taonisa, hataholi matasi'da-matasaek-ka, ma beita le'do a mai fa, te ana loi-loi mesan, sama leo nakodaa.

AYUB 24:16

Nakodaa, ana bonga uma, nai fai le'odaen-na; fo nai fai lele'don-na soona, ana ta nau mangale'dok-ka, la'e fan, de neu ke'ke.

AYUB 38:13

O madenu mita dulufula, ana ho'u daebafak-ka, ma o sasapu heni hataholi mangalauk-ka, neme sila mamane nafunin-na mai so do beik?

AYUB 38:15

Lele'dok-ka mangale'don-na, nasalaa nanseli, ba'eneu hataholi lamatua taak-ka, ma nakatakas, tao naseti-nalakak.

AYUB 5:14

Nai fai lele'don-na, makahatuk-ka potin-nalas, de lafangganggama, sama leo nai fai le'odaen-na.

YOHANIS 12:35

Boema Yesus nae, “Ka'da ba'ihanak mesa kana, mangale'dok ndia nai emi tala'da. Hu ndia de, leo la'ok beidai mangale'dok ndia bei hapun, fo ela makahatu ka boso tuni na emi. Hataholi manaleo la'ok nai makahatu ka dale ka, neukose ana ta bubuluk leo bee neu fa.

YOHANIS 12:40

‘Ao tao apoke mata nala, Au tao atea dale nala, fo ela mata nala boso lita, dudu'a aafi nala boso lalelak, fo ela ala boso fali leo Au mai fo Au tao alea-ahais.’ ”

YOHANIS 15:6

Metema see ta da'di esa nahele no Au fa soona, neukose nanatapahenik, sama leo ai ndana ka, fo namatuu. Neukose ala tao lakabubua ai ndanak leo sila kala, fo ala tapas leo ha'i dale neu, fo ala hotuhenis.

YOHANIS 8:31

Basa boema Yesus nafa'da hataholi Yahudi kamahehele kala nae, “Metema nai emi maso'da ma dalek, emi tunga Au nanoli nga soona, Au ana manatungang emi te'e-te'e,

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

YAKOBIS 4:17

Hu ndia de, hataholi fo ana bubuluk basa, hata malole bee ka nde, muse ana tao-no'i nana, tehu ana ta tao-no'i fan, soona hataholi ndia nasala-nasingo.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.