AYUB 24:12 - Susula Malalaok Hehelu Palak Ma Hehelu Beuk

¹² Hataholi fo hihii nae maten-na, hoo-nggu'un nananamanenek nai kota-la, hataholi mabisuk-kala, laloo bebou, loke puli-namo'dok, tehu Manetualain ta nau namanene huhule-haladoin-nala fa; Ana ta nau taoafik neu fas.

AYUB 24:12 ပူးပေါင်းရင်းမြစ်များ

KEJADIAN 4:10

Boema, Manetualain nae, “Tao le'e de, o tao tatao-nono'ik fo maneni bibii-namata'uk ndia? O fa'dim-ma, daan-na naloo bou-bou neu Au, neme dae lain mai, sama leo halak esa noke balas.

AYUB 24:11

Ana tao mina neme ai setun-na, boan-na mai, ma ana tao nininuk, neme ai angol-la, boan-na mai, tehu, ana maa ma'da nanseli.

AYUB 24:13

Hapu hataholi nggelok, ta sipok mangale'dok-ka fa, de ala musu loon, ala ta lalelak, ma ala ta tunga enon-na fa.

AYUB 9:23

Metema, no kaiboik, mate hataholi sala taak-ka soona, Manetualain ka'da hika.

AYUB 9:24

Manetualain fe daebafak-ka neu hataholi malelesik-ka, ma Ana taon-na basa manakee-manafula, poke matan-nala so. Manetualain tao basa ia-la, nana metema ta Ndia fa soona, see bai?

MAZMUR 10:13

Tao le'e de, hataholi mangalauk-ka, nakadadaek Manetualain nakandoo ma ana dodoo nae, neukose Manetualain ta huku fan do?

MAZMUR 109:22

Nana, au nuu ta-hata tak, ma manadoi-dosok, ma au daleng-nga, he'dis-sa nanseli.

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 50:21

Ndia nde o taon, tehu Au ka'da denge-denge, da'di tunga o dale dodoom-ma, Au sama leo o. Tehu besak ia, Au akamuu-akadau o, ma basa sila-la, Au taos da'di mangale'dok ba'eneu o.

MAZMUR 69:26

Nemen-na fo, sila lalaa teman-na, da'di nee-nee lino-linok ma hataholi ta leo nai sila lalaa teman dale fa.

KELUARAN 22:27

nana ba'du ndia nde been-na, ndia ba'dun fo manatao nato'bi aoinan-na. Metema emi ta fe falik-kana fa soona, ana muse nalu'e beek, nai lelek ana sungu? Metema naloo bou-bou noke tutulu-fafalik neu Au soona, neukose Au amanenen, nanahu Au manasue-manalaik.

PENGKHOTBAH 4:1

Basa boema, au taoafik seluk neu ta ndoos ma matetuk lala'en fo ala da'di nai daebafak ia. Hataholi nanantuni-ndenik-kala kii, ma ta hapu hataholi nau tulu-fali fas. Ta hapu hataholi esa boen, nau tulu-fali fas, nanahu manatuni-ndenik sila, lanuu koasa matuaina.

YESAYA 52:5

Besak ia, Au ito-ato beek nia ia bai? Hataholi Babel-la, foo emi leondiak mesan. Sila fo, manatuni-ndeni emi-a, ala koao-ndaeao, ma lakadadaek Au lakandondoo henin.

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

YEREMIA 12:2

O sele-tanis sama leo bubu'u-palusa, boema ala lahu-laoka, de ala moli ma labuna-laboa. Ala kokolak soona, ka'da malole-malole mesa-mesan, la'eneu O aoinam-ma, tehu nai dalen-nala dalek soona, tunga ndon-na ala ta mete-lakanae O fa.

MALEAKHI 2:17

Emi taom-ma Manetualain malua emi kokolam-ma. Tehu emi matane mae, “Da'di tao leo beek, de ami taom-ma Manetualain malua?” No emi mafa'da mae, “Basa hataholi manatao mangalauk-kala, Manetualain, nafa'da nae malole, ma nahiik-kasa.” Do no natatanek, “Manetualain manatao tunga ndoos ma matetun-na ndia, nai bee?”

MALEAKHI 3:15

Ita tita matan, hataholi manakoao-ndaeaok-kala laua-lanale. Hataholi mangalauk-ka, so'dan-na ta ka'da boetai malole ka fa, tehu metema ala so'ba Manetualain dale susue-na, nenik ala tao tatao-nono'i mangalauk, te ala ta hapu susa-soe boen.’ ”

2 PETRUS 3:15

Bole tafa'da tae, Lamatua ka ta hae lai namanasa ita ndia nde bee na, Ana fe ita fai loak soaneu ita tuka tei-sale dale, fo daenga ita hapu so'da ka. Paulus, fo ita tolanoo susue na, ana sulak fe emi susulak nae leondia boe. Manetualain fen dudu'a-aafi manatee tenok, de ana sulak susulak ndia.

HAKIM-HAKIM 10:16

Basa boema, ala tu'u-tapa heni basa dodoki-dudulak sosongo kala, de ala sene-do'ok neu Manetualain. Boema Manetualain boeo, dalen-na tu'da, metes lai toto'a-tataak-ka dalek.