AYUB 23:12 - Susula Malalaok Hehelu Palak Ma Hehelu Beuk

¹² Au tunga Manetualain paletan-nala, tataas esa, au tunga hihii-nanaun, te ta au hihii-nanau mesang-nga fa.

AYUB 23:12 ပူးပေါင်းရင်းမြစ်များ

AYUB 15:11

Tao le'e de, o ta sipok Manetualain kokoe-nanasin fa? Ami kokolak no ta haelai mamanasa, ma mangana'uk, nenik Manetualain na'den-na.

AYUB 22:22

Sipo-ma hata fo, Manetualain nanolin neu o; pe'da basa sila-la, nai o dalem dale.

AYUB 23:13

Manetualain ndia, ta nasafali fa; ta hapu hataholi bisa la'ban-nana fa. Ana tao su'di beek, fo nahiik-kana.

AYUB 33:9

O mafa'da mae, ‘Au malalaok, ta tao salak fa. Au bu'u-ba'em ta, ma o ta tao salak fa.

AYUB 6:10

Neukose, dede'ak ndia, nalupa kokoe-nanasik ba'eneu au; neukose au longe nai doidosok-ka tala'da. Au tunga, ma au taoafik akandoo, neu basa Manetualain, Fo Malalao-malalafuk-ka, paletan lala'en-na.

MAZMUR 119:103

O dede'a-kokolam, makeek nanseli, makeen-na, lena heni fanioe-a, makeen-na!

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

MAZMUR 119:127

Au sue-lai O paletam-ma, lena heni lilopilas-sa, lena heni lilopilas isik-ka.

MAZMUR 33:11

Tehu Manetualain dale tutu'un-na nakatatakak nahele, dale tutu'un-na, matea-mahelek losa dodo-na.

AMSAL 30:8

Boso nalosak, au kokolak dede'a-kokolak peko-pakik, ma pepekok, ma boso fe au nuu-taa hata-taak do kamasu'i-makabetek. Ka'da fe au, hata fo au paluuk-ka.

YEREMIA 15:16

O kokolak mo au, de au amanene basa O hala-kokolam lala'en-na. O num au, ou Amak Manetualain Fo Manakoasa, hu ndia de O hala kokolam neni namahokok ma naua-nanale fe au.

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

LUKAS 12:46

soona tua na neukose fali ma'in nai faik do li'u fo ta bubulu kana fa. Soona neukose malalau-maoono ndia hapu nanolik neme tua na mai, boema tua na taon ua-nalek esa no hataholi fo ta tunga Manetualai na fa.

YOHANIS 4:32

Tehu Yesus naes nae, “Au nana'a-nininung lai ia so, tehu emi ta bubulu kana fa.”

YOHANIS 4:34

Tehu Yesus nafa'das nae, “Au nana'a-nininung nde Au tunga Hataholi mana madenu Au a, hihii-nanaun, boema Au tao akababasak ue-le'dis fo Ana fen neu Au a.

YOHANIS 8:31

Basa boema Yesus nafa'da hataholi Yahudi kamahehele kala nae, “Metema nai emi maso'da ma dalek, emi tunga Au nanoli nga soona, Au ana manatungang emi te'e-te'e,

HATAHOLI 14:22

Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

1 PETRUS 2:2

Te ela leo bee na, emi da'di ni'iana nanabongi beuk, fo ana maa ma'da neu su'u oe matetu ka tataas esa. No enok ndia, neukose emi moli-da'di ma nanasoi tefak.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.