AYUB 23:11 - Susula Malalaok Hehelu Palak Ma Hehelu Beuk

¹¹ Au tungan no lilinekak; au beita singo ita neme enok fo, naketuk-ka mai fa.

AYUB 23:11 ပူးပေါင်းရင်းမြစ်များ

AYUB 10:7

Tunga ndoon-na, O bubuluk ma mame'da, mae au salang ta, tehu ndoos. O bubuluk mae ta hapu esa boen ana soi-tefa nala au neme O limam-ma mai fa.

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

AYUB 31:7

Metema, au singo heni eno ndoos-sa, do au daleng-nga, nahiik dede'a manggenggeok, metema, au limang-nga naggenggeo, hu kande sala-singok-ka,

AYUB 6:10

Neukose, dede'ak ndia, nalupa kokoe-nanasik ba'eneu au; neukose au longe nai doidosok-ka tala'da. Au tunga, ma au taoafik akandoo, neu basa Manetualain, Fo Malalao-malalafuk-ka, paletan lala'en-na.

MAZMUR 119:51

Hataholi manakoao-ndaeaok-ka, nakamumulu-nakamamaek au nanseli, tehu, au ta singo eme O hoholo-lalanem mai fa

MAZMUR 125:5

Tehu hataholi manake'di-ndiuk-ka, ela leo bee-na, Manetualain hukun, sama-sama no hataholi mangalauk-ka. Ela leo bee-na, O anam-mala so'da-molek!

MAZMUR 17:5

Au aso'da tataas esa, tunga O natutu'dum-ma ma au ta singo heni fan.

MAZMUR 36:3

Ana nafa'da nae ndia aoinan-na anseli nanseli, nalosa tanamedan-na salan-na, de ana ta hahae tao salak fa

MAZMUR 44:18

Basa sila-la, tuni-ndeni-la ami so, leomae ami ta mafandele heni O do malelesi O hehelu-balatam moo ami-a fa.

MAZMUR 44:19

Ami dalem-ma ta nalelesi O fa; ami ta mafandele heni O paletam esa boen.

AMSAL 4:5

Da'di hataholi manatee-tenok, ma malelaina. Mafandendelek au nanoling-ngala tataas esa, fo boso tu'u-tapa henin.”

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

ROMA 2:7

Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

1 TESALONIKA 2:10

Ami maso'da no malalaok, ndoos, ma ami ta masala-masingo soaneu emi fo, mana mamahele basak neu Kristu sa so. Manetualain ma emi, nde da'di ami sakasii ma.