AYUB 22:13 - Susula Malalaok Hehelu Palak Ma Hehelu Beuk

¹³ Tehu, o matane mae, “Ndia bubuluk beek? Ndia nai ko'as-sa selik, de Ana ta bisa naketu-nala'di ita fa.”

AYUB 22:13 ပူးပေါင်းရင်းမြစ်များ

AYUB 34:22

Leomae makahatu kiu-kiuina boeo, ta hapu makahatuk, fo bisa nafuni hataholi masala-masingok-ka fa.

MAZMUR 10:11

Ana dodoo nae, “Manetualain nafandele henin so, ma Ana ta taoafik neu fan; soaneu losa dodoon-na, ana ta nita au fa!”

MAZMUR 139:11

Metema au oke, fo ela makiu-makahatuk-ka poti-na au, fo mangale'dok manai au boboa-kaisung-nga, da'di le'odaek,

MAZMUR 139:7

Au u leo bee u, fo ela au ala O koasam-ma deak? Au alai leo be fo ela au dok ka neme O mata ma mai?

MAZMUR 59:7

Nai fai le'donoson-na, ala fali ma'is, ala nggoo sama leo busa, fo ala la'ok okofefeo kota.

MAZMUR 64:5

Ala tui-benga tutui pepekok, neme sila mamana nafunin-na mai, ala ta bii-lamata'u, soaneu tao langgenggeo hataholi sala tak-ka, na'den-na.

MAZMUR 73:11

Lafa'da lae, “Manetualain ta bubuluk fa, Manetualain Fo Mademaina, ta nalelak fa”

YESAYA 29:15

Soe ba'eneu hataholi fo, ana sanga enok, nafuni dale tutu'un-na neme Manetualain mai! Ala tao no denge-dengek, ma laedaenga hataholi esa boen, ta nita do bubuluk hata fo, sila taon fa

YEREMIA 23:24

Ta hapu hataholi sa boen nafuni-na ao inan-na neme Au mata memeteng-nga fa, nana Au nae mamanak lala'en-na: nai nusa so'dak-ka ma nai daebafak-ka.

YESKIAL 8:12

Manetualain nafa'da au nae, “Hai hataholi daebafak fo, manasapu-manalalok-konei, o mita basa mauli-malangan Israel-la, no denge-dengek, ala tao beek ndia? Ala tao makaluku-makatele nai mamanak fo henuk no sosongo-tatangok-ka, boema lafa'da lae Au la'oela nusak ia so, de Au ta ita sila tatao-nono'in ndia fa.”

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

AMOS 9:2

Leomae ala tola leo hataholi manamatek-kala daebafan dale leu boeo, neukose Au hapus. Leomae ala kae leo lalai leu boeo, neukose Au akona henis leme naa mai.

AMOS 9:3

Metema ala ke'ke nai Lete Karmel-la poin-na soona neukose, Au sangas fo Au ho'u-alas. Metema ala ke'ke nai tasi buin-na, soona neukose Au paleta menge matuaina fo ana kaa nalas.

ZEFANYA 1:12

Nai faik ndia, neukose Au de'de obor, fo Au palisak lutu-lutuk kota Yerusalem-ma. Neukose, Au huku laun fo ta namahele te'e-te'e ndia fa, boema name'da-nana, dai so, ma hataholi fo ana dodoo nae Au, fo Manetualain ta la'iesa fo Ana ho'i nakeketuk leo iak do leonak boen.