3 Fe au loak, fo au kokolak bai, basa ndia soona, emi bole makamumulu-makamamaek seluk!
Ayub, o maedaenga, ami ta mataa mabe'i o fa do? O maedaenga, ami denge-denge, nanahu o hakinonolim-ma do?
Hu ndia de, denge-denge leona, nemen-na, fo au kokolak! Ninenin-na leo beek boeo, au ta afaduli fa!
Metema, Manetualain palisak emi soona, neukose buna-boan malole do ta? Ade, emi bisa ke'di-ndiu man, sama leo ke'di-ndiu hataholi daebafak-ka do ta?
Hataholi-la laka'uk bafan-nala, fo ala hakinonoli au; Lakamomotu-la au, de ala tutu-fepa au ma ala fapa au nasebu'ung-nga.
Au tia-laing-ngala, ala hakinonoli ma ala hika au; au u leo Manetualain, no kikiik, fo au oke tutulu-fafalik.
Hataholi-la tao au da'di, hata fo nanahakinonolik; au itas ala kokolak hoholo hataholi.
Tehu, emi basa-basam-mala, mita matam so. Da'di, teo le'e de, emi fe nanoli-nafa'dak, fo sosoa-ndandaa tak?”