AYUB 21:22 - Susula Malalaok Hehelu Palak Ma Hehelu Beuk

²² Ade, hataholi daebafak-ka, bisa nanoli Manetualain do ta, nate'ka, Manetualain mesak-kana, naketun-nala'di mahahaek manai nusa so'dak-ka?

AYUB 21:22 ပူးပေါင်းရင်းမြစ်များ

AYUB 15:15

Nakalenak, ata nusa so'dak-kala boeo, Manetualain ta namahele fas; nana tunga Manetualain mata memeten-na, sila ta malalao-malalafuk fa.

AYUB 21:21

Metema, basa hataholi daebafak-ka le'do-fain nai daebafak ia soona, ana bei nafaduli, ade, teidalen-nala laua-lanale do ta?

AYUB 35:11

ma manafe hataholi daebafak-ka, dudu'a-aafik, lena heni manupui, ma bana-manu manai daebafak-ka.

AYUB 36:22

Mafandendelek leona, te Manetualain ndia, te'e-te'e koasan-na ba'un-na seli. Ade, hapu mesen fo, malelan-na leo Ndia do ta?

AYUB 36:23

See kande, bisa natu'du fen enok, do napalani kalaak-kana nae, Ana tao salak?

AYUB 38:3

Besak ia, o touk soona, masasale matak mo Au, fo mataa natatanek ia-la leona.

AYUB 4:18

Nakalenak, Manetualain ata-atan manai nusa so'dak-ka, Ana ta hapu namahele fas. Nakalenak, nai ata nusa so'dan-nala dalek boeo, Ana hapu masalak ma mabu'u-ba'ek.

MAZMUR 82:1

Asaf Kokoa-kikion. Manetualain nauli-nalanga nakabua malalao-malalafuk-ka, nai nusa so'dak-ka, boema Ana fe naketu-nala'din nae:

PENGKHOTBAH 5:8

Nakalenak manek-ka boeo naso'da neme keketu-kokoluk buna-boan mai.

YESAYA 45:9

Soe ba'eneu hataholi fo Manamakadada'dik-kana; Hataholi ndia, sama leo ulek fo, ana la'ban hataholi manataon-nana. Ade dae ulek-ka, natane neu manatao ulek-ka nae, “O tao beek ia?” Ade ulek-ka haladoi nae manatao ndia, malelan-na beita dai fa do?

YEREMIA 23:18

Au afa'da ae, “Ta hapu hataholi esa boen neme nabi sila-la, ala bubuluk hata fo manape'da-fuak nai Manetualain dudu'a-aafin dale. Ta hapu neme sila mai-a lamanene hai, ma ala bubuluk ndia dudu'a-aafi manamain-na fa; Ta hapu fo mana tao afik do mana tao malole neu ndia dede'a-kokolan boen.

ROMA 11:34

Nai Susula Malalaok dale nanasulak nae leo ia, “See ka nde bubuluk Manetualain dudu'a-aafin? See ka nde fe nanoli-nafa'dak neu Manetualain?

1 KORINTUS 2:16

Nai Susula Malalaok dale nanasulak nae, “See ka nde bubuluk Manetualain dudu'a-aafin? Ma see ka nde napalani nanoli-nafa'da nana?” Ita nde tanuu dudu'a-aafik fo sama no Kristu sa!

1 KORINTUS 6:3

Ade emi ta bubuluk neukose ita nde taketu-tala'di ata nusa so'da kala fa do? Mu'da hata no dede'ak manai ita maso'da mandoo fain ia bai.

2 PETRUS 2:4

Ata nusa so'da masala-masingo kala boeo, Manetualain ta po'ilota kasa latapo'i leme huhuku ka mai fa. Ana tapas leo tasi ha'ik dale leu. Manetualain taos leo faka makahatuk dale leu fo, tahan naheles leme ndia, losa Fai Naketu-nala'di ka losa.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.