AYUB 21:16 - Susula Malalaok Hehelu Palak Ma Hehelu Beuk

¹⁶ Ade, ta hu kande ita bei-balakain mesan-na, de ita hapu basa hata lala'en, fo ita dudu'a-dodoon-nana hetu?” Tehu, au ta sipok makandondook, no dudu'a-aafik, ma hahapuk leondiak-ka fa.

AYUB 21:16 ပူးပေါင်းရင်းမြစ်များ

KEJADIAN 49:6

Au ta tunga nai sila lalahalan-na dalek fa, ma boeo, ta nai sila nakabubuan-na dalek fa. Nana sila lanisa nai nasa-meluk-ka dalek, ala ke'di ketu meoasu ei uan-na hu kande namahoko-setelek-ka.

AYUB 1:21

ma nafa'da nae, “Au inang bongi au-a, au ta eni hata esa boen, de neukose au mate boeo, au ta eni hata esa boen. Manetualain nde fe-a, de Manetualain boeo nde ho'i falik-kana. Koa-kio na'den-na!”

AYUB 10:3

Hapu nanalak hata, metema O tuni-ndeni leoiak, de O tu'u-tapa heni, O ue-le'dim buna-boan? Hapu nanalak hata, metema O sipok hataholi mangalauk-kala, hahapun, ma dale tutu'un-nala?

AYUB 22:18

Te se'kona, Manetualain nde fes da'di kamasu'i-makabetek-ka! Te'e-te'e, au ta alelak hataholi mangalauk-ka, dudu'a-aafin fa!

MAZMUR 1:1

Maua-manalek neu hataholi fo, ana ta tunga hataholi mangalauk-ka nanoli-nafa'dan fa, ana ta na'da hataholi masala-masingok-ka, ha'da-tataon fa, ma ana ta leo-napalasa no hataholi fo, nakamumulu-nakamamaek Manetualain fa,

AMSAL 1:10

Anang-ngonei, metema hataholi fufu'di-oo'dok o soona, boso tunga sila fufu'di-oo'don ndia.

AMSAL 5:8

Madook aoinam-ma, neme inak matak leondiak-ka mai! Nakalenak boso deka moo uman-na.

PENGKHOTBAH 8:8

Ta hapu hataholi esa boen, bisa napanggee, do nakamama'ak mamaten-na fa. Ndia natee-natatik esa, fo ta hapu di'o heni fan. ta bisa nala deak neme mamates-sa mai fa leomae ana sanga enok nenik ke'di-ndiuk do tipu daik boe.

LUKAS 16:2

Da'di nalo pegawi manape'da doik ndia ma nae, ‘Au amanene basa hata lala'ena la'eneu o so? Besak ia, fe au hala nafafa'da matetuk la'eneu o ue-le'dim ito-ato au su'i-beteng. O ta bole da'di au pegawi manape'da doing so'on.’

LUKAS 16:25

Tehu Abraham nataa nae, ‘Mafandendelek ana ngonei: nai o fai maso'da ma dalek, o hapu basa hata fo malole lala'ena so, tehu Lasarus hapu basa hata ta malole lala'ena. Besak ia namahoko nai ia, ma o doidoso nai naa.