AYUB 21:13 - Susula Malalaok Hehelu Palak Ma Hehelu Beuk

¹³ Labasa le'do-fain-nala, nai namahoko-seteleek-ka dalek, ma mates no mole-dame.

AYUB 21:13 ပူးပေါင်းရင်းမြစ်များ

AYUB 21:12

Lakaminak rebana, kinuk ma kecapi, ala lakamee no makalupu-makaseek, ma fofoti-lolongek.

AYUB 21:23

Hapu hataholi, nai fai maso'dan-na dalek, so'da-la'dak; ana mate no name'da dai so, ma dalen-na loa-loak mesan. Mamaten-na nee-nee lino-linok, no name'da naua-nanale, te se'kona be'i-balakain bei makadotok.

AYUB 22:16

Sila fai mamaten-na, beita losa fa te, sila nanaloso-nak so, de faa ba'u nenis.

AYUB 24:19

Sama leo salju-a, fo fai hanas, ma le'do la'en soona, mopok-kana, leondiak boe, hataholi masala-masingok-ka, hataholi manamatek-ka daebafan-na, ko'do-nan.

AYUB 24:24

Naso'da tetu-temak, ka'da ba'ihanak mesan, tehu basa soona, ana la'o losa dodoon-na. Ana male-tale, sama leo na'u sosoa-ndandaa tak-ka; sama leo, ke'di heni ha'de pulek-ka, neme huun-na mai.

AYUB 3:13

Leounik-ka, mate au nai hatematak ndia, soona au sungu, ma au hahaeaong no nee-nee lino-linok,

AYUB 36:11

Metema, ala tunga Manetualain, ma lalalao-laoonon neun, soona laso'da no mole-dame ma tetu-temak, losa sila fai maso'dan-na, nate'e.

MAZMUR 73:4

Nana ta lamahe'di-lapalau fa, aon-nala balakaik ma so'da-la'dak.

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

HAKIM-HAKIM 20:34

Hataholi sila-la, hataholi nanahelek neme Israel-lala'en-na mai; dede'un-nala, hataholi lifun sanahulu. Natee-nata'ti matuaina ana da'di, nai lelek hataholi lifun ka 10-k sila-la, ala sapu-la Gibea. Benyamin hataholin-nala ta bubuluk te'e-te'e, lae ta dook-ka so'on te, ala kala fa.