AYUB 20:12 - Susula Malalaok Hehelu Palak Ma Hehelu Beuk

^12-13 Mangalauk-ka makeek nanseli, nai bafan dale! Nalosa ta nahiik ana ko'do fan; hu ndia de, ana pe'dan nai maan-na dae, fo ela name'da la'dan-na losa dook-ka.

AYUB 20:12 ပူးပေါင်းရင်းမြစ်များ

KEJADIAN 3:6

Inak ndia nita ai ndia manahiik, ma mete boan-na soona, mala'da hiik soaneu na'an. Ma ana dodoo, nae malole-na seli, metema ana da'di hataholi dodole maneu. Hu ndia de, ana seu-na ai ndia boan-na, boema na'a, ma ana fe saotoun fo sama-sama non nai ndia boe, de sao toun-na boeo na'a.

2 SEMUEL 11:12

Boema, Dauk nae, “Le'on-na leona fo faik ia, hahaeaom seluk meme ia, fo balahaa fafaik soona, au po'i o la'o.” Da'di, faik ndia, Uria nahele neme Yerusalem. Balahaa boema, Dauk naloon neu na'a.

AYUB 15:16

Muda hata no hataholi daebafak fo, dudu'a-aafi tak ma manggenggeok, fo ninu tatao-nono'i mangalauk-ka, sama leo oe-a.

MAZMUR 10:7

Ana soo-supa nakandoo, ana fe dodoki-aali, ma ana tipu-dai, dede'a-kokolan henuk no nakamuu-nakadauk-ka, ma hala kokola mangalauk.

AMSAL 19:28

Fe sakasii pepekok soona, sosoan-na nae, heheta-aa'i hoholo-lalanek; hataholi mangalauk-ka, ana tao susa-soe hataholi soona, la'dan-na seli.

AMSAL 20:17

Hata-heto fo hapun neme tipu-daik-ka mai, makasososan-na la'dan-na seli, tehu makabuin-na, name'dan sama leo batulutu-a.

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”