AYUB 2:2 - Susula Malalaok Hehelu Palak Ma Hehelu Beuk

² Boema, Manetualain natanen ae, “O meme bee mai?” Nitu-a nataa nae, “Au eme, au leleo-lala'ong fo aleu-alaak su'di leo bee u, fo au la'ok okofefeok daebafak-ka.”

AYUB 2:2 ပူးပေါင်းရင်းမြစ်များ

KEJADIAN 16:8

Boema, ata nusa so'dak ndia nafa'da nae, “Hagar, fo Sarai atan-na, o meme bee mai, ma o sanga leo bee muu?” Boema, Hagar nataa nae, “Au alai eme au nyora Sarai mai.”

AYUB 1:7

Manetualain natanen nae, “O meme bee mai?” Nitu nataa nae, “Besak-ka, atam-ma naleu-nalaak su'di leo bee neu, ma au la'ok okofefeo daebafak-ka.”

AYUB 2:1

Mahahaek nusa so'dak-kala fali le'us leo Manetualain leu, de Nitu-a, tunga boe.

AYUB 2:3

Boema, Manetualain natane nae, “Ade, o taoafik neu Au atang Ayub do ta? Nai basa daebafak-ka lala'en-na, ta hapu hataholi lilinekan ma dale malolen-na, sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa. Ana bei lilineka nahele Au, leomae o fufu'di-oo'dok Au, fo Au tao susa-soen, no ta nanuu enon-na fa.”

YOHANIS 14:30

Au ta kokolak ba'u ka o emi so'on, nana manakoasa daebafak ia fai na losa, de ala mai so. Tehu sila ta nde koasa Au aopaang ia fa.

2 KORINTUS 4:4

Nitu lalais fo manakoasa daebafak ia, nde babaa ketu hataholi kamahehele tak sila la dudu'a-aafin. Ndia nde napanggengge sala, fo ela ala ta lita mangale'dok maneme Hala Malole la'eneu Kristus matua-mademan, fo nalupa Manetualain dula na.

1 PETRUS 5:8

Ela leo bee na, emi manea ma mahehele ao mala! Nanahu Nitu a nde bee na, emi musu noo ma. Nitu ndia sama leo meo asu a, fo ana la'ok neu mai ma nangao sanga nana'a na.