AYUB 2:10 - Susula Malalaok Hehelu Palak Ma Hehelu Beuk

¹⁰ Ayub nataa nae, “O kokolak sama leo hataholi nggoak-ka kokolan-na! Masa bole, ita nau sipo ka'da hata, fo malole neme Manetualain mai, te hata fo ta malole-a, ita ta nau sipo fan?” Da'di, leomae Ayub hapu basa susa-soe sila-la lala'en-na, tehu ana ta kokolak dede'a-kokolak fo la'ban Manetualain fa.

AYUB 2:10 ပူးပေါင်းရင်းမြစ်များ

KEJADIAN 3:17

Boema Manetualain nafa'da touk ndia nae, “O mamanene o saoinam-ma hala-kokolan, de o mu'a ai fo, Au kena-ka'ik ndia boan-na so. Hu kande o tatao-nono'im ndia, de dae-a nanasoo-supak. O muse maue-male'di no puse ti'tik, nai o fai maso'dam-ma dalek, fo ela dae ia, bisa fe buna-boa manadaik soaneu o nana'a-nininum.

2 SEMUEL 13:13

Metema, tatao-nono'ik ndia da'di soona, au tao au matang-nga leo bee neu? Basa bai te, neukose hataholi nakamumulu-nakamamaek o, nai Israel ia boe. Malole lenak, o kokolak moo manek-ka leona, te tao leo bee-o, neukose manek-ka nakaheik ita sao.”

2 SEMUEL 19:22

Tehu, Dauk nafa'da Abisai ma ka'an Yoab nae, “Boso sese'dok nai dede'ak ia dalek. Tao le'e de, emi tao susa au? Nai faik ia dalen-na, au da'di manek seluk neu Israel, de ta bole hukunisa hataholi Israel esa boen.”

2 SEMUEL 19:28

Atam-ma aman teidalen-nala lala'en-na, landaa Ama Manek hukunisas, tehu Ama Manek fe basa atam ia loak, fo na'a-ninu nai uma manek-ka so. Besak ia, atam-ma ta napalani, noke hata-hata neme Ama Manek mai so'on.”

2 SEMUEL 24:10

Tehu lelek Dauk leke basa leoina ndia dede'un-na boema, name'da nasala, de nafa'da Manetualain nae, “Ou Manetualain, au asala-asingo anseli so. Fe do'o do ampon neu au, nana au tatao-nono'ing ndia, nggoak nanseli.”

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

AYUB 1:10

O masulu-mahapa uma isin-nala, ma su'i-beten lala'en-na tataas esa. O ba'e-pala ue-le'din, ma O fen bana-manu makadotok, dai soaneu ala tao lahenu nusak-ka lala'en-na.

AYUB 2:9

Saoinan-na nafa'dan nae, “Masa bole, o bei lilineka mahele neu Manetualain? Ayo, makamumulu-makamamaek-kana, fo mate leona!”

MAZMUR 39:1

Soaneu mauli-malanga nakameek-ka. Dauk kokoa-kikiok. Soaneu Yedutun.

MAZMUR 39:10

Au denge-denge, de au ta huka au bafang-nga fa, nana O nde fepa-li'u au.

MAZMUR 39:9

Po'i au neme basa au sala-singong-ngala mai, boso po'ilotak hataholi nggoak-ka, hakinonoli au.

MAZMUR 59:12

Boso taomisas ou Manetualain, fo ela au leoinang-nga boso nafandele henin. Tao tapasasalas ma sengis menik O koasam-ma, ou Manetualain fo ami manamasulu-mahapam.

AMSAL 9:13

Nggoak-ka nde been-na sama leo inak ba'u bafa fo dudu'a aafin taa, ma ana ta bubuluk bibii-mamaek-ka fa.

AMSAL 9:6

Tunga hataholi mantee-tenok-ka enon-na, fo tu'u-tapa heni dudu'a-aafi taak-ka, fo ela o maso'da no tetu-temak.”

PENGKHOTBAH 7:14

Da'di, mamahoko leona, metema o hapu nanalak. Tehu metema soe-a tuni-na o soona, boso mafandele henin mae Manetualain nde fe dede'a ka duak sila-la. Ita ta bubuluk hata fo ana da'di fa.

RATAPAN 3:37

Metema Manetualain nape'da dale nasak hata esa fa soona, tao leo bee-o, hataholi daebafak-ka ta hapu tao hata-hata soaneu dede'ak ndia fa.

MATEOS 16:23

Boema Yesus lipa leo dea neu de nafa'da Petrus nae, “La'o meme ia mai mana dudungu-papau ko nei. O mapalani mapanggengge Au ou! O dudu'a-aafim ndia dudu'a-aafi hataholi; daebafak te Manetualain dudu'a-aafin ta ndia fa!”

MATEOS 25:2

Ana fe'oanak sila la lima nggoak ma lima malelak.

YOHANIS 18:11

Boema Yesus nafa'da Petrus nae, “So'dok falik o tafaina ma leo mamanan dale neu! Ade tunga o dale dodoo ma, neukose Au ta inu nggalaa doidosok fo Ama ka fen neu Au ndia fa do?”

ROMA 12:12

Ela leo bee na mamahena neu ka'da Lamatua ka no namahokok, boso haelai mamanasa nai toto'a-tataa ka dalek, ma hule-haladoi mahele.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

YAKOBIS 3:2

Nasi'a ita basa tala tao salak. Tehu hataholi fo ana beita tao nita salak ninik hala-kokola na, hataholi ndia, hataholi matetu-mandaak, nana ana hapu koasa na, ao ina na lala'ena.

SEMUEL SUSULAK-KA ESAN-NA 3:18

Boema Semuel nafa'da la'iesak-kana neu Eli. Ta nafuni dede'ak de'ek esa boen. Basa boema Eli nafa'da nae, “Manetualain nde ndia, de nemen-na, fo Ana tao hata fo Ana meten malole.”