AYUB 18:12 - Susula Malalaok Hehelu Palak Ma Hehelu Beuk

¹² Makahulun-na mabe'i-balakaik, tehu besak ia, ana male-tale; soe-a non nai mamanak lala'en-na.

AYUB 18:12 ပူးပေါင်းရင်းမြစ်များ

AYUB 31:3

Tao leo bee-o, Ana fe soe ma susa neu hataholi manatao tatao-nono'i mangalauk-ka!

MAZMUR 109:10

Nemen-na fo anan-nala da'di hataholi nuu taa-hata tak, boema nanausi henik leme uma nakalulutuk ndia dalek.

MAZMUR 34:10

Fe ha'da-holomata neu Manetualain, hai emi fo, anan-nala lemin, nana hataholi kamahehelek-ka, neukose ana ta to'a-taa fa.

YESAYA 8:21

Hataholi fo ua-nalen ta malole ma kamala'ak-ka, neukose lada'bak lai nusak ndia. Hu kande la'a-ndoes-sa, de ala tao nasa-nasak mesan, nalosa ala soo-supa sila manen-na ma sila Manetualain-na. Ala mete su'di leo bee neu, leo lain

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

SEMUEL SUSULAK-KA ESAN-NA 2:36

Basa o tititi-nonosim bei maso'dak-kala, neukose leu leo imam ndia leu, fo loke doik ma nana'a-nininuk. Neukose ana dokodoe nae, sipok au da'di manatulu-manafali neu basa imam-mala, fo ela au hapu u'a, leomae au hao ka'da bafak esa mesak-kana boe.”

SEMUEL SUSULAK-KA ESAN-NA 2:5

Hataholi fo makahulun-na nakabete nanahu nana'a-nininun sasi kao-kao, besak ia, ana da'di hataholi mana'a ngga'di, ka'da soaneu hapu nana'ak. Hataholi fo makahulun-na namala'a-namandoe, besak ia namahokok, nana'a-nininun dai so. Saoinak kalate'dis-sa, besak ia dalen-na namatua, ana bongi-na ni'iana hitu so! Tehu inak fo anan ba'uk-ka, dalen-na he'dis-sa, nanahu ana-nala mate la'oelan.