AYUB 17:9 - Susula Malalaok Hehelu Palak Ma Hehelu Beuk

⁹ Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

AYUB 17:9 ပူးပေါင်းရင်းမြစ်များ

KEJADIAN 20:5

Saotoun-na, nafa'da nae ndia fa'din inak ndia, ma inak ndia, nafa'da nae leo ndia boe. Au tao tataos ndia no dale malalaok, da'di au ta asala fa.”

2 SEMUEL 3:1

Saul teidalen-nala solda'dun-nala, loo Dauk teidalen-nala solda'dun-nala, latee-lata'ti lakandoo. Dauk boetai natea-nahele, tehu musu noon-na, boetai lakama'a.

AYUB 22:30

Metema, o salam ta, ma o tao tunga Manetualain hihii-nanaun soona, Ana tulu-fali o.”

AYUB 27:5

Da'di, au ta nau afa'da, ae emi ndoos fa; losa mate boeo, au akatatakak ahele, ae au ta manggenggeok fa.

AYUB 27:6

Au ho'u ahele au ndoong-nga, ma au dale bobongoanang-nga boeo, malalaok tataas esa.

AYUB 31:7

Metema, au singo heni eno ndoos-sa, do au daleng-nga, nahiik dede'a manggenggeok, metema, au limang-nga naggenggeo, hu kande sala-singok-ka,

AYUB 33:9

O mafa'da mae, ‘Au malalaok, ta tao salak fa. Au bu'u-ba'em ta, ma o ta tao salak fa.

MAZMUR 11:3

Metema ha'da nggolok-ka ta nanaito-atok tunga matetun-na fa, soona hataholi ndoos-sa, ta botik langan-na fa.”

MAZMUR 24:4

Hataholi fo dudu'a-aafin ma tatao-nono'in fo ta nasala fa, ma ana ta soo-supa pepekok, ma ana ta sene-do'ok neu sosongo-tatangok fa.

MAZMUR 26:6

Au safe au liman-nga, fo da'di ta'du-tana nae, au salang ta, ma au la'ok okofefeok O mei tunu-hotum, ou Manetualain,

MAZMUR 73:13

Palsuma la'iesak-kana, au anea au dale malalaong-nga; Sosoa-ndandaan ta, au dook-ka eme sala-singok-ka mai.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

MAZMUR 84:7

Lelek ala la'ok tunga dokek Baka, ala tao lasafali mamanak ndia, da'di oemata, de u'dan makasososak-ka, po'a-nggangan nenik baba'e-papalak.

MAZMUR 84:8

Be'i-balakain-nala boe tama, nai lelek, ala la'ok leo Sion, fo leo Manetualain mamanan, fo lamatua daebafak lala'ena, latu'du aoinan-nala.

AMSAL 10:25

Metema ani-sangu-a mai soona, hataholi mangalauk-ka mopok-kana; tehu hataholi manatao ndoos-sa, natea nahele losa dodoon-na.

AMSAL 10:30

Hataholi dale ndoos-sa, neukose naso'da nee-nee lino-linok, ma tetu-temak; hataholi mangalauk-ka, neukose ta leo dae pusaka fa.

AMSAL 14:16

Hataholi dale malole-a, nanea tataas esa, ma nadook aoinan-na neme tatao-nono'i mangalauk-ka mai, tehu hataholi nggoak-ka kalua nasa-melun, fo besak-ka dalen-na tesa-tama.

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

MARKUS 7:2

Lita Yesus ana mana tungan de'ubee la'a no lima nala ta balisi tunga agama, fo nde la'a-linu tehu ta lafui oe lakahuluk, tunga agama nakanenete na fa.

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

1 YOHANIS 2:19

Kristus musu noon sila la nde, hataholi mana la'oela ita, fo memang tunga ndo na soona, ita hataholin ta sila fa. Nana metema ita hataholin sila soona, tao leo beeo, lakabubua lahele lo ita. Tehu ala la'oela ita, fo ela ana da'di nafafa'dak esa nae, tete'e ka ita hataholin ta sila so'on.