AYUB 17:7 - Susula Malalaok Hehelu Palak Ma Hehelu Beuk

⁷ Au matang-nga keluha'buk-ka, nanahu kikii dale he'dik-ka; nalosa au mangalo'do anseli.

AYUB 17:7 ပူးပေါင်းရင်းမြစ်များ

AYUB 16:16

Au mata-panang pilas, hu kande kikiik-ka; au mata loung-nga peta, ma ana kapahe'duoe.

AYUB 16:20

Au tia-laing-ngala, ala hakinonoli ma ala hika au; au u leo Manetualain, no kikiik, fo au oke tutulu-fafalik.

AYUB 16:8

Ndia la'ban au de Ana ho'un-na au. Besak ia ela ka'da au dui-loung so, de ba'eneu hataholi makadotok soona, ndia nde da'di buti, nae au asala-asingo so

AYUB 7:5

Au aopaang-nga, henuk no kalatik, ma daa bubua anak-kala; au loung-nga bisu, de ana faa nanak.

MAZMUR 109:23

Isabain-na, mopo au, sama leo salaok-ka, nai fai le'donoson-na, ma au nananggafu henik, sama leo lamak-ka.

MAZMUR 6:7

Au sota-mangu nanahu hoo-nggu'uk-ka; tunga-tunga le'odaen-na, au luu oeng-nga faa nakadoe au pepe'ung-nga.

MAZMUR 6:8

Au matang-nga keluha'bu, nanahu dale he'dik-ka, ma nasalalalok, nanahu au musung-ngala.

PENGKHOTBAH 6:12

Tao leo bee fo hataholi-a hapu bubuluk hata malole nanseli ba'eneun, nai maso'dan fo keke'uanak ma sosoa-ndandaa tak, ma manasapu-manalalok sama leo salaok-ka? Tao leo bee fo hataholi esa, hapu nalelak hata fo neukose ana da'di nai daebafak ia, nai lelek fo tak-kana so?

RATAPAN 5:17

Lete Sion-na nee-nee lino-lino ma nanala'oelak; busa fuik-kala tonggela nai naa. Hu ndia de, ami dalem-ma nakalulutuk, ami kii losa ami mata memetem-ma da'di keluha'buk.