AYUB 17:5 - Susula Malalaok Hehelu Palak Ma Hehelu Beuk

⁵ Tunga dede'a nakalala'dik-ka nae, see kalaak nonoon-na, hu kande nanalak-ka soona, anan-nala nde neukose sipo babalan-na.

AYUB 17:5 ပူးပေါင်းရင်းမြစ်များ

1RAJA-RAJA 11:12

Leomae leondiak boe, hu kande o amam Dauk de, neukose Au ta tao dede'ak ndia nai o fai maso'da ma dalek fa. Neu tepo-lelek fo o anamanem-ma paleta, besak-ka Au taon.

AYUB 11:20

Tehu, hataholi mangalauk-ka, neukose ana mete, fo napangamak, nana, ta hapu tutulu-fafalik ba'eneu sila fa. Sila namahehenan-na, ka'da kisak esa mesak-kana, fo nde, mamates-sa, losa lai-lai leona.”

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

AMSAL 20:19

Hataholi fo, ana hii kokolak hataholi fe'ek-ka, ta nape'da dede'a nafufunik fa; boso leo-mapalasa mo hataholi bafa maloa.

AMSAL 29:5

See so'u laik nonoo hataholin-na soona, ana lona hihi'ik, soaneu aoinan-na.

RATAPAN 4:17

Ami matam-ma so'ta no memetek-ka mahani tutulu-fafalik fo ana ta losa fa. Ami mamahena leoina esa tutulu-fafalin, fo tunga ndoon-na ana ta hapu fe hata esa boen.

IMAMAT 19:13

Boso lumu-ese emi nonoo hataholim-ma do malaka-ma bua-lo'an. Boso ho'u mahele hataholi fo naue-nale'di fe emi-a, ngga'din-na, leomae ka'da le'odaek esa boe.

IMAMAT 19:16

Boso la'ok neu-mai, fo kokolak hataholi manai emi leoinam-ma dalek na'den-na, fo daenga emi boso meni mamates fe emi nonoo hataholim-ma. Au nde Manetualain.

ULANGAN 28:65

Nai leoina sila-la tala'da, neukose emi ta hapu tetu-temak-ka, ma emi ta hapu mamanak esa boen, fo emi mafa'da mae, emi dae pusakam ndia fa; neukose Manetualain taon-na emi dalem-ma ta tesa-tama fa, ma ketu emi namahehenam-ma.

1 TESALONIKA 2:5

Emi boeo bubuluk, beita la'iesa fo ami fufu'di-oo'dok emi ninik dede'a-kokolak makee-mamina fo sue ka nde ami hapu doik neme emi mai. Manetualain nde da'di sakasii a! Nana amai ta mape'da dudu'a-aafi leondiak makandondook fa.