AYUB 16:9 - Susula Malalaok Hehelu Palak Ma Hehelu Beuk

⁹ Manetualain sii-sii lulu'i au aopaang-nga no nasak; Ana mete au no mata panan pila lo'a-lo'a.

AYUB 16:9 ပူးပေါင်းရင်းမြစ်များ

AYUB 13:24

Tao le'e de O makadedeak ma la'o neme au mai? Hu beek de O tao au da'dik O musu nom?

AYUB 13:27

Au eing-nga O pa'an nenik namosina besik; basa au heheo-hihilung O taoafik neu. Nalosa au ei dalen boeo, ta natapo'ik neme O mata memetem-ma.

AYUB 18:4

O nasam-ma, ka'da tao nahe'di seluk o aoinam. Ade, hu kande o paluum-ma, de daebafak-ka muse namopo laun-na, ma letek-kala, muse keko heok leme mamanan-nala mai do?

AYUB 19:11

Manetualain nasa-melun neu au-a, ana pila lo'a-lo'a; nafa'da nae au da'di leo Ndia musun-na.

AYUB 30:21

O tao au no, ta pake dale kasian fa, O tuni-ndeni au, nenik O be'i-balakaim lala'en-na.

AYUB 33:10

Tehu, Manetualain sanga enok, fo la'ban au, ma Ana tao au da'di musu nok.

AYUB 6:4

Manetualain, Fo Manakoasa, kokou isin-na tola au aopang-nga; de lason-na, nananama leo basa au aopaa-samaneng lala'en-na neu. Manetualain koasa matuainan-na, neni bibii-namata'uk nanseli, de nono'kabai, musu nook-ka solda'dun-nala sapu-la au.

MAZMUR 35:16

Ala hakinonoli lakandoo au, ma ala mete au no nakamuu-nakadauk.

MAZMUR 37:12

Hataholi mangalauk-ka, ana tutu'u hata mangalauk soaneu hataholi malole-a, ma ana meten no nakamuu-nakadauk

MAZMUR 50:22

Taoafik leona, emi fo mafandele heni Manetualain-na; manea leona, fo boso nalosak Au tao amopo-amate emi, fo ta hapu manasoi-manatefa fa.

RATAPAN 2:16

Basa o musum-mala mete o mata-panam no nakamuu-nakadauk, ala hika ma latitii nisi o. Lafa'da lae, “Ami tao mamopo-mamate kota ndia so! Mate'en-na, faik fo ami mahani talu-talu moon-na, ana losa boe!”

RATAPAN 3:10

Nahani sama leo beruang, Ana sapu-na au, sama leo singa.

HOSEA 5:14

Sama leo meoasu-a sapu-nalas, leondiak boe, neukose Au sapu-a hataholi Israel-la, ma hataholi Yehuda-la. Au nde, neukose sisii-lulu'is, boema Au la'oelas. Metema Au lele'a-lolosos la'o soona, ta hapu hataholi esa boen, bisa soi-po'i fas.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

MIKHA 7:8

Ta hapu ne'ek ba'eneu ita musun-nala, soaneu lamahoko neu ita nakalulutun-na fa. Nana leomae ita tu'da boe, tehu neukose ita fo'a seluk. Besak ia, ita nai makahatuk dale, tehu neukose Manetualain nangale'do-na ita.

HATAHOLI 7:54

Mana maketu-mala'di matua la lamanene basa hata fo Stefanus nafa'da ka boema, dale nala he'di sa ma lamanasa mangalalau.