AYUB 16:10 - Susula Malalaok Hehelu Palak Ma Hehelu Beuk

¹⁰ Hataholi-la laka'uk bafan-nala, fo ala hakinonoli au; Lakamomotu-la au, de ala tutu-fepa au ma ala fapa au nasebu'ung-nga.

AYUB 16:10 ပူးပေါင်းရင်းမြစ်များ

1RAJA-RAJA 22:24

Boema Nabi Zedekia neu leo uluk neu de ana deka no Mikha boema ana fapan neu Mikha nasebu'u na ma nae, “Hapu nai bee Manetualain Dula dalen-na la'oela au de Ana kokolak no o?”

2TAWARIKH 18:23

Boema Nabi Zedekia tutulumatak fo neu deka no Mikha, boema ana fapan ma nafa'da nae, “Hapu nai bee Manetualain Dula dalen-na la'oela au fo ana kokolak no o?”

AYUB 16:11

Manetualain fe au leo hataholi fo tatao-nono'in ta malole; Ana fe au leo hataholi mangalauk-ka liman dale neu.

AYUB 30:12

Hataholi bubua makahatuk ndia, ala sapu-la au neme uluk mai, ma ala tutu'u au tutu'dang-nga.

MAZMUR 22:13

Musu-a nakamomotu-na au, sama leo sapi mane bubuak esa, lakahapi-la au, sama leo sapi mane fuik-ka neme Basan mai.

MAZMUR 22:14

Lasasale matak loo au no bafan-nala beepoo, sama leo singa nanggao fo ana kaa.

MAZMUR 3:7

Au ta bii-amata'u neu musu lifu-lifuk fo lakahapi-la au, neme bu'u-bu'uk lala'en-na mai.

MAZMUR 35:15

Tehu nai lelek au susa, sila lamahoko, ma lakamomotu-la au, fo ala la'ban au. Ala la'ok sama leo hataholi ei helak-ka, fo lakamumulu-lakamamaek au.

MAZMUR 35:21

Ala eki ma lafa'da au, lae sila lita basa au tatao-nono'ing so.

MAZMUR 56:6

Fai katemak esa dalen-na, musu-a tao tasi'bu au dede'ang-nga, ala sanga enok lakandondoo henin fo tao soe au.

MAZMUR 94:21

Ala lalahalak, fo la'ban hataholi manatao tunga ndoon-na, ma ala hukulisa hataholi fo sala tak-ka.

YESAYA 50:6

Au fe au muliha'ing-nga, neu hataholi manafepa au-a; ma au nasebu'ung-nga neu, hataholi manafe'a au nggolomeing-nga. Au ta afuni au mata-panang nai lelek au nananakadadaek, ma nanamu'di ape.

RATAPAN 2:16

Basa o musum-mala mete o mata-panam no nakamuu-nakadauk, ala hika ma latitii nisi o. Lafa'da lae, “Ami tao mamopo-mamate kota ndia so! Mate'en-na, faik fo ami mahani talu-talu moon-na, ana losa boe!”

RATAPAN 3:30

Leomae nanafapak ma nananakadadaek, ela leo been-na, ata sipok basa sila-la.

MIKHA 5:1

Manetualain nafa'da nae, “Hai Betlehem Efrata, o kota esa, anak nanseli nai Yehuda! Tehu neme o dalek mai, neukose Au afofo'a manakoasa esa soaneu Israel, fo momoli-dada'din neme makahulun eli mai.”

MATEOS 26:67

Boema lasapula ape neu Yesus mata panan ma ala tutu-fepan. Boema nggelok fapan,

YOHANIS 18:22

Tehu Yesus bei kokolak nae leondia tutika, manamanea esa ana fapan ma nae, “O mapalani la'iesa kana kokolak mae leondia neu imam matuaina!”

HATAHOLI 23:2

Lelek fo Paulus kokolak nae leondia boema, Imam Matuaina fo Ananias, nadenu hataholi mana mapadeik nai Paulus boboa na, fo ala fapan neu Paulus bafa na.

HATAHOLI 4:27

Nana memak Herodes no Pontius Pilatus tao nakabubuak lo hataholi fo ta lalelak Lamatua ka ma hataholi Israe la, leme kota ia dalek. Latongo fo ala la'ban O atam Yesus fo malalao-malalafuk ndia, fo O so'u basan da'di Mane Mana Fe So'da ka.

2 KORINTUS 11:20

Emi makahei-makaheik mesan, metema hataholi tao emi da'di ata, do ana eese-lulumu emi ma ana ho'i nanalak neme emi mai, do name'da aoina na dema lena emi, ma napalani fapa emi!