AYUB 15:34 - Susula Malalaok Hehelu Palak Ma Hehelu Beuk

³⁴ Neukose, hataholi mangalauk-ka, tititi-nonosin ta; ha'i na'a heni uma, fo ana taon neme doi sosolo dalek-ka mai

AYUB 15:34 ပူးပေါင်းရင်းမြစ်များ

AYUB 11:14

Lose heni sala-singok manai o dalem dale-a, ma usi madook, mangalauk-ka neme o umam-ma mai.

AYUB 12:6

Tehu, hataholi manabonga uma, so'dan-na nee-nee lino-linok; hataholi fo, napalani la'ban Manetualain-na, so'dan-na tetu-temak. Te se'kona, lasalai dean-nala neu lamatua daebafak-ka, fo ka'da be'i-balakaik mesak-kana.

AYUB 15:30

Neukose, ta nala makiu-makahatuk-ka deak fa; neukose ha'i na'a heni buku beun-nala. Neukose, mopok-kana, hu kande Manetualain ani hahaen-na.

AYUB 18:15

Besak ia, su'di see-a, bole leo nai lalaa teman dale, fo ana nggali belerang, fo manatao namopo he'dis-sa.

AYUB 20:1

Boema Zofar nataa nae, “Hai Ayub, o dede'a kokolam tao naau daleng-nga ba'ihana, de besak ia, au hii fe au natataang-nga no lai-laik.

AYUB 27:8

Ade, hapu namahehenak ba'eneu hataholi mangalauk-ka, nai lelek Manetualain ho'i falik samanen-na do ta?

AYUB 36:13

Hataholi lamatua taak-ka, nape'da nasa-meluk; leomae, Manetualain hukun boe, ala ta nau loke tutulu-fafalik fa.

AYUB 8:13

Hataholi lamatua taak-ka, leondiak. Ana nafandele heni Manetualain, boema mopo namahehenan-na.

AYUB 8:22

Hataholi fo, ana ta hii o fa, neukose ana mae, ma name'da aoinan-na nai daeanak, ma neukose, hataholi mangalauk-ka uman-na, nanatao nalutuk losa mopon.”

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.

MATEOS 24:51

Soona neukose tua na fepa-li'u nalo'bo malalau-maoono ndia, basa soona ana tapan leo hataholi mana dea-dale kala mamana na neu. Neukose ala kii-makaleleu ma ala doidoso nai naa.”

SEMUEL SUSULAK-KA ESAN-NA 12:3

Besak ia, au apadeik nai emi matam! Metema au tao salak soona, kalaak au nai Manetualain matan, ma nai Ana hele manek-ka matan. Au ho'i hai hataholi fe'ek sapin do keledein so do beik? Au tipu-dai hai, do tuni-ndeni hai, do sipo doi sosolo dalek hai so do beik? Mafa'da leona, fo au ho'i-a su'di beek-ka soona, au fe falik-kana.”

SEMUEL SUSULAK-KA ESAN-NA 8:3

Tehu ala ta tunga sila aman ha'da-tataon fa, te ala sanga ka'da nanalak soaneu sila aoinan-na mesak-kana. Ala sipo doi sosolo dalek, ma laketu-lala'di laun-na dede'an-nala ta tunga eno-dalak matetun-na fa.