AYUB 15:21 - Susula Malalaok Hehelu Palak Ma Hehelu Beuk

²¹ Malii matuaina la, tao la di'idoon-na nono'ka pakek-ka; manabonga uma mai sapu-nan, nai fai nee-nee lino-linok.

AYUB 15:21 ပူးပေါင်းရင်းမြစ်များ

2RAJA-RAJA 7:6

Nana, Manetualain tao-na hataholi Siria-la, lamanene maliik-ka, sama leo solda'du manasa'e ndala, ma manasa'e kaleta bubuaina esa, ala mai sapu. Hataholi Siria sila-la, laedaenga, mane Israel-la, se'ba basa mane Het-ta, ma mane Masir-ra loo solda'dun-nala, fo ala mai sapu-la sila.

ESTER 7:6

Boema Ina Manek Ester-ra nataa nae, “Haman, fo dale mangalauk ndia nde ana musu, ma ana fepa-li'u ami-a!” Haman nanganalo manek-ka, ma ina manek-ka no bibii-namata'uk nanseli.

AYUB 15:24

Soe-a, sama leo manek fo ao na makadelek naheheleaon basa, fo sanga kaa-nan.

AYUB 18:11

Bibii-namata'u matuaina, neme mamanak lala'en-na mai, de ana tao nanggengek hataholi mangalauk-ka; bibii-namata'uk-ka tungan, neme nggani eik leo nggani eik neu.

AYUB 18:14

Nanaloso nenik neme lalaa teman, fo mamana nee-nee lino-linon-na dalek mai, boema, nanalele'a-lolosok leo mamates-sa neu.

AYUB 20:21

Metema na'a soona, na'a heni la'iesak-kasa, hu ndia de, tetu-teman ta nakatatakak fa.

AYUB 22:10

Hu ndia de, besak ia, nai o boboa-kaisum, henuk no hihi'ik-ka, de no kaiboik, bibii-namata'uk-ka, potin-na o.

AYUB 24:17

Fafaik-ka, neni bibii-namata'u matuaina, ba'eneun, tehu makahatu kiu-kiuina, nandaa no dalen-na.”

AYUB 27:20

Bibii-namata'u matuaina, tuni la'en, sama leo faa matuaina, ana mai no kaiboik. Ani-sangu nai fai le'odaen-na, ana ba'u nenin.

MAZMUR 92:7

Hataholi nggoak-ka, ta bubuluk fa, hataholi nggoak-panganaa, ta nalelak dede'ak ndia fa.

AMSAL 10:24

Hataholi dale ndoos-sa, hapu hata fo nahiik-kana; hataholi mangalauk-ka, hapu hata fo, ana bii-namata'u nanseli neun.

AMSAL 28:1

Hataholi mangalauk-ka nalai, leomae hataholi ta usi fan, tehu hataholi dale ndoos-sa, napalani sama leo singa.

YEREMIA 6:26

Manetualain nafa'da anan-nala nae, “Pake lafa lapik, fo lololi meu afu dale. Kii makaleleu no dale he'dik, sama leo hataholi-a, ana kii-makaleleu ana kisan-na mamaten-na, nana manatao namopo-namate emi-a, neukose ana sapu-na emi no kaiboik.”

IMAMAT 26:36

Emi hataholim manai mamana okak nusa fe'ek-kala, neukose Au tao-alas ala bii-lamata'u lanseli, nalosa anin-na fuu akidook-ka fo nangguu boeo, ala bii fo lalai. Neukose emi malai, nono'kabai ala usi emi nai natee-natatik dale, boema emi tu'u-fo'a, leomae ta hapu musu deka no emi fa.

1 KORINTUS 10:10

Ita boeo ta bole bemumu; sama leo makahulu na sila nggelok bemumu de nalosa ata nusa so'da manini Mamate sa taonisa la'iesa kasa.

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

NINITAK 9:11

Lanuu manek fo ana paletas, ma manek ndia nde ata nusa so'dak manamanea faka mamate sa. Na'de na nai dede'a Ibrani dalek soona, Abadon, ma nai dede'a Yunani dalek soona, Apolion, fo sosoa na nae, “Mana Tao Nakalulutuk”.