AYUB 14:5 - Susula Malalaok Hehelu Palak Ma Hehelu Beuk

⁵ O maketu basa, hataholi daebafak-ka, teun-na so; O maketu basa bulan-na, dede'un-na so. O maketu so'dan-na, too-lanen boe; de ta bisa, ana nggani seli fan.

AYUB 14:5 ပူးပေါင်းရင်းမြစ်များ

AYUB 12:10

Ndia nde, ito-ato basa mahahaek lala'en-na, so'dan-na; Ndia nde koasa, hataholi daebafak-ka ani hahaen-na.

AYUB 14:14

Nana metema, hataholi daebafak-ka maten soona, ade, ana bisa fo'a falik do ta? Au ahani, neme faik leo faik neu, losa au fai toto'a-tatang ia sapu-lalo.

AYUB 16:22

Au teu-faing fo bei elak-ka, ta ba'uk-ka so'on; ba'ihanak seluk bai te au la'o fo neukose, au ta fali ma'ing-nga fa.

AYUB 21:21

Metema, basa hataholi daebafak-ka le'do-fain nai daebafak ia soona, ana bei nafaduli, ade, teidalen-nala laua-lanale do ta?

AYUB 7:1

Hataholi daebafak ndia, nono'kabai de, nananakasetik, fo ana ulepo'de sanga nanalak; so'dan-na belak-ka, sama leo hataholi nanase'ba-baek esa, so'dan-na; ma

MAZMUR 104:29

Metema O lepos masadea soona, ala bii; metema O ho'i falik ani hahaen-na soona, ala mopo-mate fo ala da'di falik dae, sama leo makasososan-na.

MAZMUR 104:9

O maketu too-lane, fo ana ta bole tunga ndia fa, fo ela ana boso fali ma'in, fo lifu-na daebafak-ka.

MAZMUR 139:16

O mita au, nai lelek au bei nai au inang tein dale; basa-basan nanasulak nai O susulam dale; fain-nala nananaketu basak, nai lelek esa boeo, beita mulai fa.

MAZMUR 31:15

Tehu au amahena neu O, ou Manetualain, nana O nde, au Manetualaing-nga.

MAZMUR 39:4

Hela-hae matuaina, tuni-nala au. Boetai dudu'a-dodoon soona, au daleng-nga boetai he'dis-sa; mate'en-na au afa'da ae,

PENGKHOTBAH 3:2

Manetualain naketu faik soaneu bongi, ma faik soaneu mate, faik soaneu sele, ma faik soaneu fe'a henin,

PENGKHOTBAH 8:8

Ta hapu hataholi esa boen, bisa napanggee, do nakamama'ak mamaten-na fa. Ndia natee-natatik esa, fo ta hapu di'o heni fan. ta bisa nala deak neme mamates-sa mai fa leomae ana sanga enok nenik ke'di-ndiuk do tipu daik boe.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

DANIAL 5:26

Ma sosoa-ndandaan nde ia, Nanalekek, Manetualain leke basa Ama Manek fai paletan-na so, de Ana fen nate'e;

DANIAL 5:30

Nai le'odaek ndia boe, Belsyazar fo mane Babel ndia nanataonisak.

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

HATAHOLI 17:26

Neme ka'da hataholi esa mesa kana de nakadada'dik basa leoina lala'ena, boema nadenus fo ala leo lai basa daebafa ka lala'ena. Ndia boeo nde mana naketu basa neme makasososan mai a, faihi'da, ma nai bee, hataholi daebafa ka bole naso'da.

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

NINITAK 1:18

Au nde Ndia fo maso'da ka! Au mate so, tehu mete leona te, Au aso'da losa dodoo na. Au koasa mamate sa, ma daebafa hataholi manamate ka.

NINITAK 3:7

“Neu ata nusa so'da salanik manai Filadelfia la sulakman leoiak: Ia nde halak heheluk neme Ndia fo malalaok ma matetuk. Ndia nde ho'u Dauk nggoe na. Metema Ana soi lelesu soona, ta hapu hataholi esa boen hapu kena fan, ma metema Ana kenan soona, ta hapu hataholi esa boen hapu soin fan.

SEMUEL SUSULAK-KA ESAN-NA 26:10

No Manetualain fo maso'dak-ka na'den-na, au bubuluk ae mahani te, neukose Manetualain nde taonisa Saul, metema fai mamaten-na losa so, do metema maten nai natee-natatik dale.