AYUB 12:6 - Susula Malalaok Hehelu Palak Ma Hehelu Beuk

⁶ Tehu, hataholi manabonga uma, so'dan-na nee-nee lino-linok; hataholi fo, napalani la'ban Manetualain-na, so'dan-na tetu-temak. Te se'kona, lasalai dean-nala neu lamatua daebafak-ka, fo ka'da be'i-balakaik mesak-kana.

AYUB 12:6 ပူးပေါင်းရင်းမြစ်များ

AYUB 12:5

Emi makamumulu-makamamaek, hataholi manahapu soe-a nai lelek emi so'dam-ma nee-nee lino-linok; hataholi fo, esabain-na ana tu'da, emi bei fepan bai.

AYUB 12:7

Matane manupui-la, ma bana fe'ek-kala, soona neukose, ala fe emi nanolik.

AYUB 15:13

o mamanasa Manetualain, de o mase'i mon.

AYUB 22:18

Te se'kona, Manetualain nde fes da'di kamasu'i-makabetek-ka! Te'e-te'e, au ta alelak hataholi mangalauk-ka, dudu'a-aafin fa!

AYUB 24:23

Manetualain fen naso'da no mole-dame, tehu Ana ta hahae nanea fan.

AYUB 9:24

Manetualain fe daebafak-ka neu hataholi malelesik-ka, ma Ana taon-na basa manakee-manafula, poke matan-nala so. Manetualain tao basa ia-la, nana metema ta Ndia fa soona, see bai?

MAZMUR 17:14

Soi-po'i au neme hataholi-hataholi, fo manamakaduduluk hata-heto nai daebafak-ka. Hukus nenik susa-soe fo O sadia basan soaneus so. Nemen-na fo, huku sila upu-anan-nala boe.

MAZMUR 37:1

Neme Dauk mai. O dalem-ma boso falahaa, nanahu hataholi mangalauk-ka, boso mape'da dalek neu hataholi fo, manatao salak-ka.

MAZMUR 37:35

Au ita hai, hataholi mangalauk esa, ana hii kokolak bafa louk; ndia sama leo ai fo doon-na momo'dok, ma okan-na tola demak-ka.

MAZMUR 73:3

nana au ape'da dalek neu hataholi manakoao-ndaeaok-ka, ma nai lelek au ita hataholi mangalauk-ka, ua-nalen malole.

MAZMUR 92:7

Hataholi nggoak-ka, ta bubuluk fa, hataholi nggoak-panganaa, ta nalelak dede'ak ndia fa.

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

YEREMIA 5:27

Sama leo hataholi manausi manupui-a, ana tao manupui leo manupui ndunuk dale neu, leondiak boe, sila tao bua-lo'a tipu-daik leo sila uman dale neu. Hu ndia de, ala da'di manakoasa, ma kamasu'ik,

YEREMIA 5:28

boema laao, ma so'dan-nala tetu-temak. Sila tatao-nono'i mangalaun-na, too-lanen ta. Ala ta tao ndoos ma matetuk, nai ni'iana kisa-anamaak-kala dede'an dale fa, ma ta lasala'e hataholi nanatuni-ndenik-kala, haak-ka fa.

HABAKUK 1:11

Boema, hataholi fo ala koao-ndaeao lenik be'i-balakain sila-la, ala la'o no lalaik sama leo anin-na.”