AYUB 12:15 - Susula Malalaok Hehelu Palak Ma Hehelu Beuk

¹⁵ Ana bakate'te ketu oe-a, soona basa-basan lala'en-na, lamatuu, ma ala da'di dae tokotik; Metema, Ana soi henin, soona faaina mai!

AYUB 12:15 ပူးပေါင်းရင်းမြစ်များ

KEJADIAN 6:13

Boema, Manetualain nafa'da Noh nae, “Au aketu basa, soaneu tao ate'e basa mahahae maso'dak lala'en-na, so'dan-nala. Neukose, Au tao amopo-amates, sama-sama loo daebafak-ka, nanahu daebafak-ka henuk no sila tatao-nono'i ha'da hataholi taan-nala.

KEJADIAN 6:17

Te neukose, Au fe faa tuak-ka mai, fo ana tao namopo-namate basa mahahae maso'dak, fo laso'da nai daebafak-ka. Basa hata lala'en, fo manai daebafak-ka, neukose mate la'iesak-kasa,

KEJADIAN 7:11

Nai lelek Noh teun natun nee, fo nai hataholi Yahudi-la bula ka dua-na, fain sanahulu hitu boema, ka'di basa oemata manai daebafak-ka buin-na lala'en-na. Basa lelesu oe manai lalai lala'en-na, latahuka,

KEJADIAN 8:1

Manetualain ta nafandele heni Noh ma basa bana lala'en, fo sama-sama loon nai ofak ndia dalek. Manetualain fe anin-na mai, de nalosa oe ndia mulai ma'da.

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

1RAJA-RAJA 17:7

Basa faik de'ubee dalen-na boema, ma'da lee anak ndia oe na, nanahu u'dan ta.

AYUB 12:10

Ndia nde, ito-ato basa mahahaek lala'en-na, so'dan-na; Ndia nde koasa, hataholi daebafak-ka ani hahaen-na.

AYUB 28:25

Lelek anin-na fen be'i-balakaik, ma naketu tasi maloaina, too-lanen;

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

AMOS 5:8

Manetualain nde tao nduuk manai lalai-la – nduuk Belantik ma nduuk Kartika: Ana tao nasafali makahatuk-ka da'di mangale'dok, ma lele'dok-ka da'di le'odaek; Ana po'a oe manai tasi dale-a leo ma'dak lain mai, Fo manatao basa sila-la, na'den-na nde Manetualain.

NAHUM 1:4

Nasapala tasi-a, de Ana tao nama'dan Ana tao-na lee lalae'na da'di lee ma'dak. Lete Karmel-la, ma mook manai Basan-nala na'u-aiana ta moli fan ma na'u manai Libanon lala'en-na, male-tale.

LUKAS 4:25

Tehu mamanene leona: te nai lelek Elia tepo-lele na, lelek u'dan ta teuk telu seselik dale na, boema la'a-ndoe matuaina da'di nai basa nusak a lala'ena. Nai lelek ndia, hapu inafalu makadotok nai Israel.

ULANGAN 11:17

Metema, emi la'olena paleta sila-la soona, neukose Manetualain namanasa emi. Neukose Ana ta fe emi u'dan fa; fo emi daem-ma namatuu, nalosa mate emi bubu'u-palusam-mala. Soona, ta dooanak so'on te, emi mate nai dae maoe-maisik fo, Manetualain fen neu emi ndia.

NINITAK 11:6

Ala hapu koasa soaneu kena lalai fo u'da na boso mai nai lelek ala po'a-benga Manetualain dede'a-kokolan. Sila boeo koasa basa oemata la, fo ala tao lasafali oe da'di daak. Ma duas boeo lanuu koasa soaneu fepa daebafa ka ninik susa-soe mata-mata kala, faihi'da ndia boe sa'di ala nau taon.