AYUB 11:8 - Susula Malalaok Hehelu Palak Ma Hehelu Beuk

⁸ Koasan-na, dema lena heni lalai maloa; o ta bisa dai fan, fo o ho'i ma fan. Koasan-na, dema lena heni, hataholi manamatek-kala, daebafan-na, o ta bisa malelak-kana, makandondook fa.

AYUB 11:8 ပူးပေါင်းရင်းမြစ်များ

2TAWARIKH 6:18

Tehu, ou Manetualain, tete'ek-ka O nau leo nai daebafak ia fo nai hataholi daebafak-ka tala'da do? Basa lalai-a lala'en-na boeo, loloan-na ta dai soaneu O fa, mudahata no uma mamaso-kakasi fo au afofo'ak ia bai!

AYUB 11:9

Manetualain koasan-na, nalu lena daebafak-ka, ma loa lena tasi maloaina.

AYUB 22:12

Ade, Manetualain ta leo nai lalai mademaina, de Ana mete leo dae, fo leo nduuk mademaina-la nanseli fa do?

AYUB 26:6

Nai Manetualain matan soona, hataholi manamatek-ka daebafan-na, natahuka, nanakena tak, nalosa nitan.

AYUB 35:5

Mete leo lalai mu, fo taoafik neu ko'as-sa deman-na seli.

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

AYUB 38:17

Hapu hataholi natu'du hai o, lelesuina manai bolo mamates, fo makahatu kiu-kiuina, matan-na so do beik?

AYUB 7:9

Sama leo ko'as-sa nasakoko'a, boema mopok-kana, leondiak boe, hataholi daebafak-ka maten, de neukose ta fali ma'i fan. Basa hataholi fo ala lalelak hain so, lafandele henin, de ta lafandelen so'on.

MAZMUR 103:11

Tehu, sama leo lalai-a dedeman-na nai daebafak-ka lain, susue-lalain dema-ba'u ndia, ba'eneu hataholi kamahehelek-ka.

MAZMUR 148:13

Malole lenak, sila basa-basas koa-kio Manetualain na'den-na, nana na'den-na, matua-madema lena heni basa na'dek lala'ena; matua-mademan, dema lena lalai ma daebafak-ka.

MAZMUR 36:6

Manetualain, O susue-lalaim, dema lalai-a, ma O lilinekam, losa ko'as-sa.

AMSAL 30:4

Hataholi see-ka, kae-kona hai nusa so'dak-ka so? Ana nafanggete hai anin-na neme liman dale, ma ana poti oe nai ba'dun dale, do naketu daebafak-ka, too-lanen so do beik? See ndia, ma anan-na nde see? Tao leo bee-o, o bubuluk-kana!”

YESAYA 55:9

Sama leo lalai-a dedeman-na, nai daebafak-ka lain, soona dedemak ndia nde, Au dudu'a-aafing nai emi dudu'a-aafim lain, ma Au enong-nga nai emi enom lain.

AMOS 9:2

Leomae ala tola leo hataholi manamatek-kala daebafan dale leu boeo, neukose Au hapus. Leomae ala kae leo lalai leu boeo, neukose Au akona henis leme naa mai.