AYUB 11:16 - Susula Malalaok Hehelu Palak Ma Hehelu Beuk

¹⁶ nakalenak, o ta mafandele seluk o doidosom so'on; fo hataholi-a nafandele henin, sama leo faa le'e.

AYUB 11:16 ပူးပေါင်းရင်းမြစ်များ

KEJADIAN 41:51

Yusuf nae, “Manetualain tao na au afandele heni basa au doi-dosong lala'en-na ma au amang teidale-bobongin so.” Hu ndia de, ana foi ana makasososan-na na'de “Manasye”.

KEJADIAN 9:11

Au hehelu-balataang no emi-a, nde ia nae; Au aheluk, ae basa mahahae maso'dak, fo kaso'dak-kala, neukose faa tuak-ka, ta tao namopo-namates so'on. Neukose, ta hapu seluk faa tuak, fo ana tao namopo-namate daebafak ia so'on.

AYUB 22:11

Lele'dok-ka, boetai makahatuk-ka, de o ta bisa mita fa; o bolo nai faa matuaina dale.

AYUB 6:15

Tehu emi, hai, tolanoong-ngala lemin, ta hapu amahele, do tasalai dea-tala neu emi fa. Emi sama leo lee manama'dak-ka, nai faik fo, u'dan-na ta mai fa.

AMSAL 31:7

Ala linu, fo lafandele heni nuu-taa hata-taan, ma toto'a-tataan-nala.

YESAYA 54:4

Boso bii, te neukose o ta nananakamumulu-nakamamaek fa; neukose ta nananakadadaek ma o na'dem-ma, ta nanggenggeo fa. Neukose o mafandele heni o manalilinekam-ma, nai lelek o bei muli-solum-ma; o mafandele heni, o nee-nee lino-linom, fo nai lelek o inafalu-a.

YESAYA 54:9

“Au aheluk, sama leo nai Noh tepo lelen-na, ae faa tuak-ka, neukose ana ta luu-na daebafak-ka so'on, leondiak boe, besak ia, Au aheluk ae neukose, Au ta amanasa, do Au fe nasanene'da mahelek neu emi so'on.

YESAYA 65:16

Basa hataholi mananoke baba'e-papalak manai nusak ndia, neukose noke Manetualain fo, manalilinekak-ka, fen baba'e-papalak. Basa hataholi fo, ala nau soo-supa, neukose ala soo-supa lenik Manetualain fo, manalilinekak-ka, na'den-na. Nana makahulun-na doidosok-ka, mopon de nananafandele henik so.”

YOHANIS 16:21

Metema inak esa, ana hihii nae bongi soona ana to'a-sota, hu ka nde fai toto'a-sosotan ana losa so. Tehu metema ana bongi na ana na soona, neukose inak ndia nafandeleheni toto'a-sosotan ndia, fo namahoko-setelee, nanahu ni'iana beuana esa nanabongik leo daebafa ka mai so.