AYUB 11:14 - Susula Malalaok Hehelu Palak Ma Hehelu Beuk

¹⁴ Lose heni sala-singok manai o dalem dale-a, ma usi madook, mangalauk-ka neme o umam-ma mai.

AYUB 11:14 ပူးပေါင်းရင်းမြစ်များ

KEJADIAN 4:7

Metema, o tao malole soona, tao leo bee-o, o hika-hume; tehu metema, o tao tatao-nono'imangalauk, soona sala-singok nahani, fo ana masok leo o dalem dale neu. Sala-singok sanga koasan-na o aoinam-ma, tehu o muse sengin.”

2RAJA-RAJA 17:13

Manetualain haitua hataholi nadedenuk, ma nabin-nala, leo hataholi Israel-la, ma hataholi Yehuda-la neu, fo landuku-lalosak hala nasanene'dak-ka nde ia nae: “Hahae tao tatao-nono'i mangalauk leona, fo tunga basa paleta ma hoholo-lalanek, fo Au fen neu emi bai-ba'ikaim-mala, ma neu emi, tunga basa nabi-la, fo Au atang sila-la.”

AYUB 22:23

Fali leo Manetualain mai, no dale taidaek ela leo been-na, tatao-nono'i mangalauk manai o umam-ma, mate'en leona.

AYUB 22:5

tehu, hu kande o sala-singom makadotok, ma o nakeketum-ma, ma o ha'da-tataom, mangalauk nanseli.

AYUB 34:32

O moke hain so do beik soaneu Ana natu'du o sala-singok? O soo-supak hai so do beik soaneu hahae tatao-nono'i leondiak-ka?

AYUB 4:7

Dodoo su'dik-kana, ade, susa-soe, beita tuni la'e hai, hataholi sala taak-ka fa do?

AYUB 8:6

metema, o dalem-ma ndoos, ma bu'u-ba'en ta soona, neukose Manetualain tulu-fali o no lai-laik; ma da'di leo babalan-na, de neukose o uma-loom, nanatao nabebeuk.

MAZMUR 101:2

Au nau taoafik neu, maso'dak fo bu'u-ba'e tak-ka, eno-dalan. Faihi'da, O mai leo au mai? Au nau aso'da no malalao-malalafuk nai au umang,

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!

SEMUEL SUSULAK-KA ESAN-NA 7:3

Boema, Semuel nafa'da hataholi Israel-lala nae, “Metema, emi sanga fali leo Manetualain meu, fo sene-do'ok-kana no dalek-katematuak soona, emi muse tu'u-tapa heni basa nusa dea-la lamatua daebafan-na, ma lamatua daebafak inak Asytoret-ta dodoki-dudulan. Fe la'iesak emi aoinam-ma neu Manetualain ma ka'da sene-do'ok neun soona, neukose Ana soi-po'i emi neme hataholi Filistin-nala mai.”