AYUB 11:10 - Susula Malalaok Hehelu Palak Ma Hehelu Beuk

¹⁰ Metema, Ana ho'un-na o, fo no o leo manakee-manafulan neu, soona see kande napalani napanggenggee Ndia?

AYUB 11:10 ပူးပေါင်းရင်းမြစ်များ

AYUB 11:9

Manetualain koasan-na, nalu lena daebafak-ka, ma loa lena tasi maloaina.

AYUB 12:14

Hata fo, Manetualain ofe henin, soona ta bisa nafofo'a falik-kana so'on, Manetualain tao see, da'di hataholi nanafook soona, ta nana po'ik so'on.

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

AYUB 38:8

See kande, kena-ketu lelesu-a, fo ana bakate'te tasi maloaina nai lelek oe-a nasapupulak, neme daebafak-ka buin-na mai?

AYUB 5:18

Nana, Manetualain nde tao nahe'di, de Ndia boeo, nde puli-namo'do, Ma liman fo manafepa-li'uk-ka, nde tao malole falik-kana.

AYUB 9:4

Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

MAZMUR 31:8

Neukose au amahoko ma setelee, nana O sue-lai mahele au. O mita au doi-dosong ma O taoafik neu au toto'a-tataang.

YESAYA 14:27

Manetualain Fo Manakoasa, naketu basa, soaneu tao leondiak. Ana so'uk liman-na, soaneu Ana huku, de hataholi esa boen, ta hapu kena-ka'i fan.

YESAYA 41:27

Au, fo Manetualain nde manatui-benga makasososa neu Sion-na; Au haitua hataholi maneni hala malole, leo Yerusalem neu.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.

NINITAK 3:7

“Neu ata nusa so'da salanik manai Filadelfia la sulakman leoiak: Ia nde halak heheluk neme Ndia fo malalaok ma matetuk. Ndia nde ho'u Dauk nggoe na. Metema Ana soi lelesu soona, ta hapu hataholi esa boen hapu kena fan, ma metema Ana kenan soona, ta hapu hataholi esa boen hapu soin fan.