AYUB 10:7 - Susula Malalaok Hehelu Palak Ma Hehelu Beuk

⁷ Tunga ndoon-na, O bubuluk ma mame'da, mae au salang ta, tehu ndoos. O bubuluk mae ta hapu esa boen ana soi-tefa nala au neme O limam-ma mai fa.

AYUB 10:7 ပူးပေါင်းရင်းမြစ်များ

AYUB 10:15

Metema, au tao sala-singok, soona te'e-te'e, soe ba'eneu! Tehu metema, au tatao-nono'ing ndoos boeo, O mafa'da mae, au tao sala-singok ahele! Au ta apalani, botik au langang-nga fa, nana au amae'da dale he'dik, ma nananakamumulu-nakamamaek.

AYUB 11:4

Tunga o hahapum-ma, o hala-kokolam sila-la, ta sala fan; tunga o hahapum-ma, o malalaok nai Manetualain matan.

AYUB 13:18

Au dede'ang-nga, nanasadia basak po'a-bengan; au amahele, au salang ta.

AYUB 23:10

Tehu, Ana bubuluk basa au enong lala'en-na, boeo au ei nggangganing lala'en-na Metema, Ana fola au, sama leo lilopilas-sa, soona neukose, Ana bubuluk nae, au daleng-nga leo lilo isik.

AYUB 23:11

Au tungan no lilinekak; au beita singo ita neme enok fo, naketuk-ka mai fa.

AYUB 27:22

Susa-soe tuni la'en, no ta pake dale kasian fa, de nau do ta nau fa, neu sanga nasulu-nahapak

AYUB 31:14

Metema ta soona, tao leo beek, fo au muse asasalematak o au Manetualaing-nga? Nai lelek, Ana mai naketu-nala'di au, soona au ataa ae le'e?

AYUB 31:35

Ade, hataholi ta nau namanene au dede'a-kokolang fa do? Au soo, ae basa sila-la, tete'ek-ka. Ela leo been-na, Ndia Fo Manakoasa, nataa au. Leouni'ka, musu-a kalaan soaneu au-a, basa-basas nanasulak, nalosa au itan,

AYUB 31:6

Nemen-na, fo Manetualain tai au, nai tatais matetuk lain, soona neukose, Ana bubuluk, nae au salang ta.

AYUB 32:1

Hu kande, Ayub namahele nanseli neu ndia ndoon-na, boema tia-lai ka telun sila-la boeo, ta nau lataan so'on.

AYUB 33:9

O mafa'da mae, ‘Au malalaok, ta tao salak fa. Au bu'u-ba'em ta, ma o ta tao salak fa.

AYUB 40:8

Ade, o sanga malelesi Au ndoong ma matetung-nga, fo o soa ndoon-na, ma o fe salan-na leo Au mai do?

AYUB 42:7

Manetualain kokolak basa no Ayub, boema nafa'da Elifas nae, “Au amanasa o ma o tia-lai ka duam-mala, hu kande, emi ta mafa'da tunga ndoon-na, la'eneu Au aoinang-nga fa. Tehu, Au atang Ayub, ta leondiak fa.

AYUB 9:12

Metema, Ana kalo hata-heto soona, see kande napalani, kena-ka'in-nana? do napalani natanen nae, ‘Hai, O tao beek ndia?’

AYUB 9:21

Au salang ta, tehu au ta afaduli fa. Au ta hii aso'da so'on. Ba'eneu au soona, au ta paluu hata-hata so'on; manatao salak ma manatao ndoos, ua-nalen-nala sama, fo nde: neukose Manetualain tao namopo-namate duas no'u-no'u.

MAZMUR 1:6

Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

MAZMUR 17:3

Meteme O fola au daleng-nga ma O mai palisak besa-besa mo au nai fai le'odaen-na soona, neukose O hapum-ma, au daleng-nga ndoos ma matetuk; au hala-kokolang sama leo au dudu'a-aafing.

MAZMUR 50:22

Taoafik leona, emi fo mafandele heni Manetualain-na; manea leona, fo boso nalosak Au tao amopo-amate emi, fo ta hapu manasoi-manatefa fa.

MAZMUR 7:3

Boso po'ilotak-kasa sama leo singa ana kaa-na au fo ana lele'a-loloso au, te ta hapu tutulu-fafalik ba'eneu au fa.

YESAYA 43:13

Au Manetualain ahele, losa dodoon-na. Ta hapu esa boen, fo ana hapu naladeak neme Au koasang-nga mai fa, do napanggengge Au dale tutu'ung-nga.”

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

HOSEA 2:10

Neukose, Au o'du akaholak-kana, nai basa tou susuen-nala matan. Ta hapu sila hataholin esa boen, bisa soi-po'in neme Au koasang-nga mai fa.

HOSEA 5:14

Sama leo meoasu-a sapu-nalas, leondiak boe, neukose Au sapu-a hataholi Israel-la, ma hataholi Yehuda-la. Au nde, neukose sisii-lulu'is, boema Au la'oelas. Metema Au lele'a-lolosos la'o soona, ta hapu hataholi esa boen, bisa soi-po'i fas.

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

1 TESALONIKA 2:10

Ami maso'da no malalaok, ndoos, ma ami ta masala-masingo soaneu emi fo, mana mamahele basak neu Kristu sa so. Manetualain ma emi, nde da'di ami sakasii ma.

YOSUA 22:22

“Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!